Nukus shahrining eng chekka hududlaridan biri bo‘lgan Besto‘be mahallasi fuqarolari bilan uchrashuv o‘tkazildi
Qoraqalpog‘iston Respublikasi Jo‘qorg‘i Kengesining Raisi Amanbay Orinbaev Nukus shahrining chekka hududlaridan biri bo‘lgan Besto‘be mahallasi fuqarolari bilan uchrashib, ularning turmushida duch kelayotgan muammolarini tingladi.
O‘tkazilgan uchrashuvda fuqarolar tomonidan hududda tibbiy xizmat ko‘rsatishni yaxshilash, yo‘l infratuzilmasini ta’mirlash, ijtimoiy yordamlar ko‘rsatish kabi muhim masalalar ko‘tarildi.
Bildirilgan murojaatlarning aksariyatiga joyida yechim topish choralari ko‘rilib, masalalarni tez fursatda bajarish bo‘yicha mutasaddilarga aniq topshiriqlar berildi. Vaqt talab etiladiganlari Jo‘qorg‘i Kenges Raisining shaxsiy nazoratiga olindi va tez orada ijobiy tomonga hal qilinishi ta’kidlandi.
Inson qadri ulug‘ bo‘lgan yurtimizda har bir muammo bartaraf etilishi va fuqarolarni qiynab kelayotgan masalalar o‘z yechimini topishi kerak. Shu maqsadda amalga oshirilayotgan ezgu tashabbuslar va amaliy ishlar davom ettirilmoqda.
