Yangi yil bayrami arafasida Mo‘ynoq, Bo‘zatov va Kegeyli tumanlaridagi yoshlar uy-joy bilan ta’minlandi

O‘zbekiston Respublikasi Prezidentining 2021-yil 9-avgustdagi 5216-sonli qarori asosida, mamlakatimizda ehtiyojmand bolalarni qo‘llab-quvvatlash, ular uchun munosib sharoitlar yaratish yo‘nalishida keng ko‘lamli ishlar amalga oshirilmoqda.

Qaror asosida Yangi yil bayrami arafasida Mo‘ynoqlik Sartay Darkenov, Bo‘zatovlik Malika Awezbayeva va Kegeylidan Baxtigul Matjanovalarga tuman markazida joylashgan ko‘p qavatli uylardan barcha qulayliklarga ega 2 xonali uyning kalitlari topshirildi.

Tadbirda ishtirokchilar, mamlakatimizda yoshlarga yaratilayotgan imkoniyatlar, yoshlar doimo Prezidentimizning e’tiborida ekanligi, ularni har tomonlama qo‘llab-quvvatlash, erkin hayot uchun zarur sharoitlar yaratish davlat siyosatining ustuvor yo‘nalishlaridan biri ekanligi alohida ta’kidlandi.