Kegeyli tumanida aholi turmush sharoitini yaxshilash yo‘nalishida amalga oshirilayotgan ishlar ko‘zdan kechirildi

Qoraqalpog‘iston Respublikasi Jo‘qorg‘i Kengesining Raisi Amanbay Orinbaev "Júzim baǵ" ОFY hududida 5 gektar maydonda Bantlikka ko‘maklashish fondi mablag‘lari hisobidan yangidan qurilayotgan "KEGEYLI GREEN HOUSE" issiqxonasi qurilish ishlari bilan tanishdi. 

Bundan so‘ng, "Baxıtlı" MFY hududidagi binoda yoshlarni xorijiy tillarga o‘qitish va yangi tashkil etilgan "IT-Markaz"ning ishlari hamda Xalqabad posyolkasidagi shifoxonada yaratilgan sharoitlar ko‘zdan kechirildi.

"Iyshan qala" MFY hududidagi kichik sanoat zonasida amalga oshirilishi belgilangan loyihalar borishi ham ko‘rib chiqilib, mutasaddilarga tadbirkorlarni qo‘llab-quvvatlash bo‘yicha aniq topshiriqlar berildi.

Shuningdek, Jo‘qorg‘i Kenges Raisi xalq uchun madaniy dam olish joylarini tashkil etish yo‘nalishida "Jılwan jap" MFY hududida "Zarbdor tajribasi" asosida kanal bo‘yida dam olish joyini tashkil etish loyihasi, "Nurlı-bostan" MFY hududida dam olish maskani va yangi xizmat ko‘rsatuvchi subyektlarni tashkil etish loyihasi bilan yaqindan tanishdi.

Tumanda amalga oshirilayotgan qurilish ishlari, xususan, "Yangi O‘zbekiston" massividagi ko‘p qavatli uylarni qurish, shuningdek, "Xalqabad" posyolkasidagi ko‘p qavatli uylar uchun kanalizatsiya tarmoqlarini qurish ishlari ko‘rib chiqilib, qurilish ishlarini o‘z vaqtida, sifatli qilib yakunlash bo‘yicha mutasaddilarga aniq topshiriqlar berildi.

Bundan so‘ng, mahallalardagi infratuzilma bilan bog‘liq muammolarni hal etish yo‘nalishida har biriga 3 mlrd. so‘mdan ajratilgan "Jańabazar" va "Abat" ovul fuqarolar yig‘inlari fuqarolari bilan yaqindan muloqot qilinib, ajratilgan mablag‘larning o‘z o‘rnida ishlatilishini nazorat qilishda mahallaning nuroniy-oqsoqollari, yoshi ulug‘lari faol ishtirok etishi kerakligi ta’kidlandi.