Parasportchimiz O‘zbekiston chempioniga aylandi

Chirchiq shahrida para pauerlifting bo‘yicha kattalar, yoshlar va o‘smirlar o‘rtasida O‘zbekiston chempionati bo‘lib o‘tmoqda. Musobaqada mamlakatimizning turli hududlaridan kelgan 400 ga yaqin para sportchi g‘oliblik uchun kurashmoqda.

Chempionat bellashuvlarida Nukus davlat texnika universitetining 3-kurs talabasi Husniddin Usmonjonov para pauerlifting bo‘yicha barcha raqiblaridan ustun kelib, g‘oliblikni qo‘lga kiritdi.

Shu asosda sportchimiz faxrli 1-o‘rinni egallab, O‘zbekiston chempionligini o‘z hisobiga yozib qo‘ydi.