30-iyul - Xalqlar do‘stligi kuni munosabati bilan "Do‘stlik festivali" keng nishonlandi

Bugun Taxtako‘pir tumani «Qarateren» sayyohlik markazida «30-iyul - Xalqlar do‘stligi kuni» munosabati bilan «Do‘stlik festivali» tantanasi o‘tkazildi.

Unda Qoraqalpog‘iston Respublikasi Jo‘qorg‘i Kengesining Raisi Amanbay Orınbaev so‘zga chiqib, yig‘ilganlarni sana munosabati bilan tabrikladi.

Ta’kidlash joizki, har yili yurtimizda «Xalqlar do‘stligi kuni» bayrami va «Do‘stlik festivali» ko‘tarinki ruhda o‘tkazib kelinmoqda. Keng nishonlanayotgan bayram tadbirlari chekka ovul va mahallalardan boshlab barcha shahar va tumanlarda xalq sayillari, milliy madaniy markazlar, milliy taomlar, rassom va hunarmandlarning ko‘rgazmalari bilan keng turda davom etmoqda.

Bugungi kunda yurtimizda yashayotgan turli millat vakillari bir maqsad yo‘lida birlashib, ona-Vatanimizni yanada rivojlantirish yo‘lida mehnat qilib, yuqori natijalarga erishib kelmoqda.

Albatta, bu borada amalga oshirilayotgan chora-tadbirlar eng asosiy boyligimiz bo‘lgan yurtimiz tinchligini saqlashda, xalqlar do‘stlini, millatlararo totuvlikni yanada mustahkamlashda katta ahamiyat kasb etmoqda.

Bayram tadbiri taniqli xushovozlar ijrosidagi gala-konsert dasturi bilan davom etdi.