Nukus shahrida markazlashgan issiqlik ta’minoti tizimini rivojlantirish borasida juda muhim qaror qabul qilindi

«Nukus shahrining «RK-1» qozonxonasini kogeneratsiya texnologiyalari asosida modernizatsiya qilish loyihasi davlat - xususiy sheriklik asosida amalga oshirish chora-tadbirlari to‘g‘risida»gi 2026-yil 29-iyul kungi Prezident qarori qabul qilindi.

Aholini va iqtisodiyot tarmoqlarini energiya resurslari bilan barqaror ta’minlash, elektr energiyasi va issiq suvni ishlab chiqarishda tabiiy gazdan foydalanish hajmini kamaytirish shuningdek, issiqlik ta’minoti tizimini rivojlantirishga to‘g‘ridan to‘g‘ri xorijiy investitsiyalarni faol jalb etish maqsadida qo‘yidagilar belgilandi.

Nukus shahrida markazlashgan issiqlik ta’minoti tizimini zamonaviy energiya tejamkor kogeneratsiya texnologiyalari asosida modernizatsiya qilish orqali aholi va iqtisodiyot tarmoqlarini barqaror elektr va issiqlik energiyasi bilan ta’minlanadi.

Loyihani amalga oshirish doirasida infratuzilmani barpo etish maqsadida 28 km issiqlik tarmoqlarini qurish va 189 ta issiqlik punktlarini o‘rnatish bilan yopiq tizimga o‘tkazish orqali 10 320 nafar aholi elektr, 22 880 nafar aholini issiqlik energiyasi bilan ta’minlanadi.

Elektr energiyasi va issiq suv ishlab chiqarishda tabiiy gaz sarfini optimallashtiriladi, issiqlik tarmoqlaridagi yo‘qotishlarni 30 foizgacha kamaytiriladi va energiya samaradorligini 10 foizga oshiriladi.

Issiqlik ta’minoti sohasida davlat - xususiy sheriklik mexanizmlari joriy etiladi hamda ushbu yo‘nalishga xorijiy investitsiyalar jalb qilinadi.

Shuningdek, qaror bilan:

Saudiya Arabistonining “Saudi Tabreed District Cooling” kompaniyasi tomonidan 20,3 million AQSH dollari miqdorida xorijiy investitsiya mablag‘lari jalb etiladi;

"Issiqlikta’minoti" AJ davlat sherigi hamda Investor tomonidan mas’uliyati cheklangan jamiyat shaklida tashkil etiladigan maxsus loyiha kompaniyasi xususiy sherik etib belgilanadi.