Медицина тараўында әмелге асырылған жумыслар сын көз-қараста қарап шығылды
1322
Қарақалпақстан Республикасы Жоқарғы Кеңесиниң комитет баслығы М.Атамуратов медицина тараўында алып барылып атырған жумысларға арналған мәжилис өткерди. Мәжилисте Денсаўлықты сақлаў министрлиги админстрациясы, барлық медицина мәкемелери басшылары ҳәм жуўапкерлер қатнасты. Онда дәслеп, елимизде медицина тараўын раўажландырыў бағдарында әмелге асырылып атырған жумыслар, бул бағдарда қабыл етилип атырған қарар ҳәм пәрманлар, тараў мәкемелериниң материаллық-техникалық базасын беккемлеў илажларына кен түрде тоқталып өтилди. 
Айрықша айтыў орынлы, Президентимиз тәрепинен илгери сүрилген көплеген идеялар бүгин турмыс ҳақыйқатлығына айланып бармақта. Атап айтқанда ҳүрметли Президентимиздиң «Ташкентте бар барлық заманагөй медициналық хызметлер Нөкисте де жолға қойылады» деген сѳзлери бүгин әмелде ѳз тастыйығын таўып атыр. Мәжилисте усыншама имканиятлар жаратылыўына қарамастан, медицина мәкемелерин жоқары мағлыўматлы маман кадрлар менен тәмийинлеў, аналар ҳәм балалардың денсаўлығын сақлаў ҳәм өлимшиликтиң алдын алыў, онкологиялық кеселликлерди ерте басқышта анықлаў жумысларындағы кемшиликлер ушырасып атырғанлығына айрықша тоқтап өтилди. Соның менен бирге, айырым шыпакерлер тәрепинен өз мәпи ушын наўқасларға қымбат баҳадағы дәри-дармақларды усыныў, медицина мәкемелеринде санитариялық жағдайлар менен байланыслы кемшиликлер анықланғаны, сондай-ақ, тараўда коррупциялық жағдайлардың еле даўам етип атырғанлығы, түрли жынайый ҳәрекетлер жүз бергени, бюджет қаржыларын талан-тараж етиў жағдайлары бар екенлиги қатаң сынға алынды. 
Мәжилис даўамында өз ўазыйпасын орынлаўда немқурайдылық пенен қараған ҳәм қәте-кемшиликлерге жол қойған тараў басшыларына қатаң жаза шараларын қоллаў бойынша тапсырма берилди.
Айрықша айтыў орынлы, Президентимиз тәрепинен илгери сүрилген көплеген идеялар бүгин турмыс ҳақыйқатлығына айланып бармақта. Атап айтқанда ҳүрметли Президентимиздиң «Ташкентте бар барлық заманагөй медициналық хызметлер Нөкисте де жолға қойылады» деген сѳзлери бүгин әмелде ѳз тастыйығын таўып атыр. Мәжилисте усыншама имканиятлар жаратылыўына қарамастан, медицина мәкемелерин жоқары мағлыўматлы маман кадрлар менен тәмийинлеў, аналар ҳәм балалардың денсаўлығын сақлаў ҳәм өлимшиликтиң алдын алыў, онкологиялық кеселликлерди ерте басқышта анықлаў жумысларындағы кемшиликлер ушырасып атырғанлығына айрықша тоқтап өтилди. Соның менен бирге, айырым шыпакерлер тәрепинен өз мәпи ушын наўқасларға қымбат баҳадағы дәри-дармақларды усыныў, медицина мәкемелеринде санитариялық жағдайлар менен байланыслы кемшиликлер анықланғаны, сондай-ақ, тараўда коррупциялық жағдайлардың еле даўам етип атырғанлығы, түрли жынайый ҳәрекетлер жүз бергени, бюджет қаржыларын талан-тараж етиў жағдайлары бар екенлиги қатаң сынға алынды. Мәжилис даўамында өз ўазыйпасын орынлаўда немқурайдылық пенен қараған ҳәм қәте-кемшиликлерге жол қойған тараў басшыларына қатаң жаза шараларын қоллаў бойынша тапсырма берилди.