Қарақалпақстанлы жаслар ушын Ташкент қаласы ҳәм ўәлаятлардағы бос жумыс орынлары ярмаркасы шөлкемлестирилди
1585
Ҳүрметли Президентимиздиң Қарақалпақстан Республикасына болған сапары даўамында мәмлекетимиз жоқары оқыў орынларын тамамлап атырған Қарақалпақстанлы студентлердиң ўәләятлар ҳәм Ташкент қаласында жумысқа кириўи ушын зәрүр шараятлар жаратып бериў бойынша ўазыйпалар белгилеп берилген еди. Усы тийкарда бүгин Нөкис қаласындағы Ақ қуў комплексинде бос жумыс орынлары ярмаркасы болып өтти. 
Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, ярмарканың ашылыўы мүнәсибети менен жыйналғанларды қутлықлады ҳәм бул шөлкемлестирилген илаж елимиз жасларының бәнтлигин тәмийинлеўде әҳмийетли екенлигин атап өтти. Илажда Өзбекстан Республикасы Президентиниң кеңесгөйи Т.Худайбергенов, Өзбекстан Республикасы Президенти кеңесгөйиниң биринши орынбасары У.Мухаммадиев, Өзбекстан Республикасы Кәмбағалықты қысқартыў ҳәм бәнтлик министри Б.Зaxидовлар қатнасты. 
Атап өтилгениндей, соңғы жыллары ертеӊги келешегимиз ийелери болған жасларымыз ушын қолайлы шараятлар жаратыўға, әсиресе, оларды жоқары мағлыўматлы кадрлар етип таярлаўға, бәнтлигин тәмийинлеўге айрықша итибар қаратылмақта. Быйылғы жылы жоқары оқыў орынларын 21 мыӊға жақын Қарақалпақстанлы жаслардыӊ питкериўи күтилмекте. Соннан, 10 мыӊнан аслам жаслар Ташкент қаласы ҳәм ўәлаятлардағы жоқары оқыў орынларын тамамлайды. Бүгинги мийнет ярмаркасы жоқары оқыў орынларын питкерип атырған усындай Қарақалпақстанлы студентлердиӊ бәнтлигин тәмийинлеўге, Ташкент қаласы ҳәм барлық ўәлаятлардағы мәмлекетлик, сондай-ақ, жеке сектордағы бос жумыс орынлары менен жақыннан танысыўына кеӊ имканиятлар майданы болды десек алжаспаған боламыз.
Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, ярмарканың ашылыўы мүнәсибети менен жыйналғанларды қутлықлады ҳәм бул шөлкемлестирилген илаж елимиз жасларының бәнтлигин тәмийинлеўде әҳмийетли екенлигин атап өтти. Илажда Өзбекстан Республикасы Президентиниң кеңесгөйи Т.Худайбергенов, Өзбекстан Республикасы Президенти кеңесгөйиниң биринши орынбасары У.Мухаммадиев, Өзбекстан Республикасы Кәмбағалықты қысқартыў ҳәм бәнтлик министри Б.Зaxидовлар қатнасты. Атап өтилгениндей, соңғы жыллары ертеӊги келешегимиз ийелери болған жасларымыз ушын қолайлы шараятлар жаратыўға, әсиресе, оларды жоқары мағлыўматлы кадрлар етип таярлаўға, бәнтлигин тәмийинлеўге айрықша итибар қаратылмақта. Быйылғы жылы жоқары оқыў орынларын 21 мыӊға жақын Қарақалпақстанлы жаслардыӊ питкериўи күтилмекте. Соннан, 10 мыӊнан аслам жаслар Ташкент қаласы ҳәм ўәлаятлардағы жоқары оқыў орынларын тамамлайды. Бүгинги мийнет ярмаркасы жоқары оқыў орынларын питкерип атырған усындай Қарақалпақстанлы студентлердиӊ бәнтлигин тәмийинлеўге, Ташкент қаласы ҳәм барлық ўәлаятлардағы мәмлекетлик, сондай-ақ, жеке сектордағы бос жумыс орынлары менен жақыннан танысыўына кеӊ имканиятлар майданы болды десек алжаспаған боламыз.