Арал футбол командасы 7-тур ойынлары жуўмағы менен Про Лигада 1-орынға көтерилди
178
Бүгинги күнде Футбол бойынша Өзбекстан Про Лигасы ойынлары даўам етпекте.
Усы жылдың 6-май күни Нөкис қаласында Про Лига 7-тур ойынлары шеңберинде Арал командасы Ферғана ўалаятының Яйпан командасына қарсы майданға түсти.
Ойында дәслеп Арал командасынан Руслан Ануаров есапты ашқан болса, буннан соң команда избе-из есап бойынша үстемликти беккемлеп, есапты 5:0 көринисине алып келди.
Ойынның 56-минутында Яйпан командасынан Акборхон Иброхимхонов Арал дәрўазасына командасының дәслепки голын жайластырды, есап 5:1.
Усы тийкарда ойын 5:1 есабында жуўмақланды ҳәм Арал командасы Про Лигадағы орнын беккемлеп, қарсыласлары дәрўазасына киргизилген топлар есабына биринши орынға көтерилди.