Қарақалпақстанда балаларды Гепатит “А” кеселлигине қарсы вакцинациялаў ушын 8 миллиард сум қаржы ажыратылды
Өткен жылдыӊ 27-январь күни ҳүрметли Президентимиздиң Қарақалпақстан ушын өз алдына және бир әҳмийетли болған 10-санлы пәрманы қабыл етилип, усы тийкарда регионымыз ушын бир қатар жеңилликлер берилген еди.
Усы пәрман тийкарында 2025-жылдың өзинде тек ғана Қарақалпақстанда жасаўшы балалар ушын тийисли қаржылар ажыратылып, 47 220 доза вакцина сатып алынды ҳәм жас көрсеткиши бойынша кеселлениў дәрежеси жоқары болған балалар арасында гепатит “А” кеселлигине қарсы бийпул шаншыў жумыслары әмелге асырылды.
Өткерилген шаншыў жумыслары нәтийжесинде халықтыӊ вируслы гепатит “А” кеселлиги менен кеселлениў көрсеткишиниӊ 2024-жылға салыстырғанда
1,6 есеге, мақсетли топар балалары арасындағы кеселлениў жағдайларыныӊ
3,7 есеге кемейиўине ерисилди.
Берилген жеңилликлер қатарында усы жылы кеселликке қарсы вакцинациялаў жумысларын алып барыў ушын бюджеттен және 8 миллиард сум қаржы ажыратылды.
Соннан, усы жыл даўамында 45 мыңан аслам мақсетли топардағы балаларды вируслы гепатиттиӊ “А” түрине қарсы шаншыў жүзесинен тийисли илажлар әмелге асырылмақта.