Invest Day шеңберинде 3 стартап ушын 140 000 АҚШ доллары муғдарында инвестиция тартылды

Көп миллетли халқымыздың дослық символына айланған, Гиннестиң рекордлар китабына киргизилген Қара үйде Invest Day - «Жаслар ҳәм инвесторлар ушырасыўы» өткерилди. 

Invest Day шеңберинде 3 стартап улыўма баҳасы 140 000 АҚШ доллары муғдарында инвестиция тартты.

Соннан, Даулет Урумбаев тәрепинен усынылған киши ҳәм орта бизнес ушын ислеп шығылған FinTech стартапы ушын 90 мың АҚШ доллары, Төребек Махсетов тәрепинен усынылған LegalTech стартапы ушын 20 мың АҚШ доллары, Султанбек Кеңесбаев тәрепинен усынылған жасалма интеллект технолоиялары менен байланыслы GIFRS стартапы  ушын 30 мың АҚШ доллары муғдарындағы инвестиция тартылды.

Бул Қарақалпақстанда стартап экосистемасын раўажландырыў жолындағы әҳмийетли нәтийже есапланады.

Invest Day стартап топарлары ушын өз жойбарларын инвесторларға усыныў, пайдалы пикир-усыныслар алыў ҳәм кейинги раўажланыў ушын финанслық қоллап-қуўатлаўды тартыў имканиятын жаратты.