32 дана жаңа автобус Нөкис қаласына алып келинди

Елимизде барлық тараўлар қатарында транспорт тараўында да көплеген жаңаланыўлар менен өзгерислер әмелге асырылып, халқымызға хызмет көрсетиў сапасын жақсылаў бойынша бир қатар жумыслар әмелге асырылмақта.

Мине усындай илажэлар қатарында Нөкис қаласында халыққа сапалы жәмийетлик транспорт хызметин көрсетиўди жолға қойыў, ҳәрекет қурамын жаңалаў, жолаўшыларға қосымша қолайлықлар жаратыў мақсетинде "FAYZ AVANGARD" ЖШЖ тәрепинен 32 дана автобус алып келинди.

Әлбетте, жаңа транспортлар халқымызға сапалы транспорт хызметин усыныў ҳәм олардың узағын жақын етиў жолында хызмет етеди.