«Арал» Футбол командасына Президент саўғасы – заманагөй автобус тапсырылды

Хабарыңыз бар, бүгинги күнде Про Лига ойынларында «Арал» футбол командамыз жетекшиликти қолдан бермей келмекте.

Бүгин футбол командамызды қоллап-куўатлаў мақсетинда Президент саўғасы – заманагөй автобус салтанатлы түрде тапсырылды.

Онда Қарақалпақстан Республикасы Жоқарғы Кеңесиниң Баслығы Аманбай Орынбаев шығып сөйлеп, командамыз барқулла қоллап-қуўатлаўда екенлигин атап өтти.

Буннан соң, Өзбекстан Про Лигасының 11-тур орайлық ойынында 26 очко жыйнаған ҳалда бириншиликти қолдан бермей киятырған «Арал» футбол командамыз «Шўртан» командасына қарсы майданға түсти ҳәм ойын жуўмағы менен 3:1 есабында жеңиске еристи.

Айтып өтиў орынлы, ПФК «Арал» бүгинги күнде Про Лигада жетекшиликти қолдан бермей келмекте. Алдағы ўақытта командамыз, әлбетте, Супер Лига ойынларында қатнасыў имканиятын қолға киргизеди деп беккем исенемиз.