Ғәрезсизлик байрамына және бир саўға: Тақыятастағы «Нурлы келешек»те жаңа заманагөй балалар бақшасы пайдаланыўға тапсырылды

Бүгинги күнде Өзбекстан Республикасы Ғәрезсизлигиниң 35 жыллық салтанаты орынларда кең түрде белгиленбекте. Әсиресе, байрам қарсаңында жаңа объектлердиң пайдаланыўға тапсырылыўы халқымызға еле де жоқары кейпият инәм етпекте.

Мине усындай байрам саўғаларының бири Тақыятас районы «Нурлы келешек» мәҳелле пуқаралар жыйыны аймағында қурылған 21-санлы мәмлекетлик мектепке шекемги билимлендириў шөлкеми болды.

Барлық қолайлықларға ийе болған бул имарат Президентимиздиң 5246-санлы қарары тийкарында, 4,6 млрд. сум қаржы есабынан заманагөй көринисте бой тикледи.

Бул билимлендириў мәкемесиниң иске түсирилиўи аймақ халқы ушын мүнәсип байрам саўғасы болып, келешегимиз ийеси болған перзентлеримиздиң заман талаплары тийкарында сапалы тәлим-тәрбия алыўы ушын беккем тийкар жаратады.