«Арал» футбол командамыз «Яйпан» үстинен исенимли жеңиске еристи
198
Бүгин жаңаланған Туран стадионында «Арал» футбол командамыз Про Лиганың 20-туры шеңберинде «Яйпан» командасына қарсы майданға түсти.
Ойын жүдә қызықлы мәўритлерге бай түрде өтти ҳәм онда командамыз дәслепки минутларынан басламаны қолға алды. Бирақ, биринши болып, «Арал» ойынның 7-минутында өз дәрўазасынан топ алып шықты. Ойынның 11-минутында есап 1:1 көринисине келген болса, 13-минутта 1:2 көринисине, ал, 29-минутта 1:3, 36-минутта 1:4 коринисине келди. Ойын жуўмағында командамыз 2:5 есабында исенимли жеңиске еристи.
Нәтийжеде, Про Лига ойынларында жетекшиликти қолдан бермей киятырған командамыз гезектеги 3 очконы өз есабына жазып қойды ҳәм жәми очкалар санын 49 ға жеткерди.