25-27-сентябрь күнлери Нөкис қаласында халықаралық форумлар болып өтеди

Усы жылдың 25-сентябрь күни Нөкис қаласындағы «Ақ қуў» комплексинде халықаралық дузды қайта ислеў ҳәм дуз-химия санаатын раўажландырыўға қаратылған «Дузды қайта ислеў бойынша халықаралық инвестиция форумы» өткериледи.

Онда Қарақалпақстанның дузды қайта ислеў бойынша бар болған потенциалы, дерлик шекленбеген ресурсқа ийе Барсакелмес дуз кәни ҳәм «Kungrad Salt Free Zone» санаат зонасы имканиятлары, жергиликли санаат кәрханалары тәрепинен ислеп шығарылып атырған өнимлер көрсетиледи.

Сондай-ақ, 26-27-сентябрь күнлери аралығында Өзбекстан (Қарақалпақстан) – Қытай аймақлар аралық саўда-экономикалық форумы өткериледи.
 
Форум шеңберинде сырт елли инвесторлар менен ушырасыўлар, B2B сөйлесиўлери шөлкемлестириледи.
                                          
Бәрше исбилерменлерди халықаралық форумларда қатнасыўға мирәт етемиз.