Вилоятлардан келиб таълим олаётган ёшлар билан учрашув бўлиб ўтди

Қорақалпоғистон Республикаси Жўқорғи Кенгесининг Раиси Аманбай Орынбаев республикамиз вилоятларидан келиб, Бердақ номидаги Қорақалпоқ давлат университети Чимбой факультетида таълим олаётган талаба ёшлар билан учрашди. Ёшлар билан яқиндан мулоқот қилиниб, уларнинг муаммолари тингланди, сифатли таълим олиши учун яратилган шароитлар ўрганилди. Талабалар томонидан кўтарилган ҳар қандай масала албатта, эътиборга олиниб, ижобий ечими топиши таъкидлаб ўтилди. Бундан кейин, ўқув масканидаги ёшлар учун яратилган имкониятлар кўздан кечирилди. Жўқорғи Кенгес Раиси факультет лабораториясида назарий билимларнинг амалиётда қўлланилишини таъминлаш борасида яратилган шароитлар билан яқиндан танишди.