Истанбул университетида Ажиниёз Қўсибой ўғлининг 200 йиллигига бағишланган амалий конференция бўлиб ўтди
1420
Бугун Туркиянинг Истанбул университетида буюк шоир Ажиниёз Қўсибой ўғли таваллудининг 200 йиллигига бағишланган "Маънавий олам куйчиси" мавзусида амалий конференция бўлиб ўтди. Конференцияда "Турксой" халқаро туркий маданият ташкилоти бўлим бошлиғи Санжар Мўлазимўғлу, Қорақалпоғистон Республикаси Вазирлар Кенгаши Раисининг ўринбосари Расул Зарикеев сўзга чиқиб, ўтказилаётган тадбирнинг аҳамиятига кенг тўхталди. 
Бундан сўнг, Истанбул университети ва Қорақалпоғистондан ташриф буюрган олимлар сўзга чиқиб, буюк шоирнинг адабий мероси, унинг туркий халқлар адабиёти ва маданиятида тутган ўрни ҳақида кенг маърузалар қилишди. Таъкидланганидек, ҳурматли Президентимизнинг "Қорақалпоқ халқининг атоқли шоири ва мутафаккири Ажиниёз Қўсибой ўғли таваллудининг 200 йиллигини кенг нишонлаш тўғрисида"ги қарори ва унинг ЮНЕСКОнинг халқаро юбилейлар режасига киритилгани қалбларга фахр туйғуларини бахш этмоқда. 
Дарҳақиқат, халқимиз тарихи ва адабиётида ўчмас из қолдирган Ажиниёз Қўсибой ўғли келажак авлодлар, адабиёт ихлосмандлари учун бебаҳо мерос қолдириб кетган буюк сўз заргари, донишманд шоирларимиздан саналади. Шоир меросини кенг жамоатчиликка, дунё халқларига яқиндан таништириш борасида жорий йилнинг ўзида кўплаб тадбирлар амалга оширилди. "Ажиниёз" операси қайта саҳналаштирилди, "Ажиниёз" бадиий-публицистик филми суратга олинди, Нукус давлат педагогика институтида шоирнинг музейи ташкил этилди, пойтахтимизда "Сўзла булбул зибоним" номли халқаро конференция ўтказилиб, Тошкент шаҳрида шоирнинг юбилейи кенг нишонланди. Анжуманда туркиялик ёшларга туркий халқларнинг ҳам буюк шоири ҳисобланган Ажиниёз Қўсибой ўғлининг ижоди кенг таништирилди.
Бундан сўнг, Истанбул университети ва Қорақалпоғистондан ташриф буюрган олимлар сўзга чиқиб, буюк шоирнинг адабий мероси, унинг туркий халқлар адабиёти ва маданиятида тутган ўрни ҳақида кенг маърузалар қилишди. Таъкидланганидек, ҳурматли Президентимизнинг "Қорақалпоқ халқининг атоқли шоири ва мутафаккири Ажиниёз Қўсибой ўғли таваллудининг 200 йиллигини кенг нишонлаш тўғрисида"ги қарори ва унинг ЮНЕСКОнинг халқаро юбилейлар режасига киритилгани қалбларга фахр туйғуларини бахш этмоқда. Дарҳақиқат, халқимиз тарихи ва адабиётида ўчмас из қолдирган Ажиниёз Қўсибой ўғли келажак авлодлар, адабиёт ихлосмандлари учун бебаҳо мерос қолдириб кетган буюк сўз заргари, донишманд шоирларимиздан саналади. Шоир меросини кенг жамоатчиликка, дунё халқларига яқиндан таништириш борасида жорий йилнинг ўзида кўплаб тадбирлар амалга оширилди. "Ажиниёз" операси қайта саҳналаштирилди, "Ажиниёз" бадиий-публицистик филми суратга олинди, Нукус давлат педагогика институтида шоирнинг музейи ташкил этилди, пойтахтимизда "Сўзла булбул зибоним" номли халқаро конференция ўтказилиб, Тошкент шаҳрида шоирнинг юбилейи кенг нишонланди. Анжуманда туркиялик ёшларга туркий халқларнинг ҳам буюк шоири ҳисобланган Ажиниёз Қўсибой ўғлининг ижоди кенг таништирилди.