Олий Мажлис Сенати Раиси Беруний туманига ташриф буюриб, аҳоли бандлигини таъминлаш бўйича ишлар билан танишди
841
Олий Мажлис Сенати Раиси Т.Нарбаева Жўқорғи Кенгес Раиси Аманбай Орынбаев ва Вазирлар Кенгаши Раиси Ф.Эрманов ҳамроҳлигида Беруний туманидаги «Бирлик» маҳалласида яшовчи бобо деҳқон, намунали томорқа эгаси Юлдош Наримбетов хонадонида меҳмон бўлди. Азалдан тажрибали деҳқонлар юрти бўлган Беруний тумани меҳнаткашлари ҳали қиш якунланиб улгурмасдан томорқаларида жорий йилги мавсум учун тайёргарликларни бошлаб юборган эди. 
Юлдош Наримбетов ҳам уй олди томорқасидан йилига уч марта ҳосил олишни йўлга қўйган шундай тиниб-тинчимаслардан. У 31 сотих ердаги иссиқхоналарида сабзавот, полиз экинлари кўчатларини етиштириб, республикамизнинг барча туманларига шунингдек, Бухоро, Хоразм вилоятларига ҳам етказиб беришни йўлга қўйган. Кутилаётган натижалар ҳам меҳнатга яраша - бу йил томорқадан 500 млн. сўм даромад олиш режалаштирилган. Мавсумий 10 нафар ишчининг ҳам бандлиги таъминланган. Сенат Раиси деҳқон билан яқиндан мулоқот қилиб, унинг нафақада бўлишига қарамасдан ҳамон меҳнатсеварлик билан томорқасида ишларни самарали ташкил этгани кўпчиликка ўрнак бўлиши кераклигини таъкидлади. 
Бундан сўнг Сенат Раиси «Тўқимачи» маҳалласидаги «RAYHON APPAREL» масъулияти чекланган жамияти фаолияти билан яқиндан танишди. Умумий лойиҳа қуввати 28,5 млрд. сўм бўлган корхонада йилига 5 млн дона 15 турдаги тайёр трикотаж кийим-кечаклар ишлаб чиқарилади. Маҳсулотлар асосан экспортга йўналтирилиб, айни пайтда 500 та янги иш ўринлари яратилган. Олий Мажлис Сенати Раиси Т.Нарбаева корхона ишчилари, шунингдек, бу ерда малака ошираётган қизлар билан яқиндан мулоқот қилди.
Юлдош Наримбетов ҳам уй олди томорқасидан йилига уч марта ҳосил олишни йўлга қўйган шундай тиниб-тинчимаслардан. У 31 сотих ердаги иссиқхоналарида сабзавот, полиз экинлари кўчатларини етиштириб, республикамизнинг барча туманларига шунингдек, Бухоро, Хоразм вилоятларига ҳам етказиб беришни йўлга қўйган. Кутилаётган натижалар ҳам меҳнатга яраша - бу йил томорқадан 500 млн. сўм даромад олиш режалаштирилган. Мавсумий 10 нафар ишчининг ҳам бандлиги таъминланган. Сенат Раиси деҳқон билан яқиндан мулоқот қилиб, унинг нафақада бўлишига қарамасдан ҳамон меҳнатсеварлик билан томорқасида ишларни самарали ташкил этгани кўпчиликка ўрнак бўлиши кераклигини таъкидлади. Бундан сўнг Сенат Раиси «Тўқимачи» маҳалласидаги «RAYHON APPAREL» масъулияти чекланган жамияти фаолияти билан яқиндан танишди. Умумий лойиҳа қуввати 28,5 млрд. сўм бўлган корхонада йилига 5 млн дона 15 турдаги тайёр трикотаж кийим-кечаклар ишлаб чиқарилади. Маҳсулотлар асосан экспортга йўналтирилиб, айни пайтда 500 та янги иш ўринлари яратилган. Олий Мажлис Сенати Раиси Т.Нарбаева корхона ишчилари, шунингдек, бу ерда малака ошираётган қизлар билан яқиндан мулоқот қилди.