Samsung компанияси вакиллари билан музокаралар олиб борилди
784
Қорақалпоғистон делегациясининг Корея давлатига ташрифи давомида Samsung компаниясининг бизнесни ривожлантириш бўйича ижрочи директори Нам Хун Юн билан учрашув ўтказилди. Унда дастлаб Қорақалпоғистоннинг инвестицион салоҳияти, ҳурматли Президентимиз томонидан тадбиркорликни ривожлантириш ва инвестицион жозибадорликни ошириш бўйича минтақага берилган алоҳида имтиёзлар ҳақида кенг маълумот берилди. Учрашувда шунингдек, Қорақалпоғистон Республикасида фойдаланишдан чиққан сувларни қайта ишлаш, бунда давлат-хусусий шериклик асосида ҳамкорликни йўлга қўйиш, сув ресурсларидан оқилона фойдаланишда самарали бошқарувни олиб бориш, ичимлик сув ва канализация тармоқларини модернизация қилиш бўйича музокаралар олиб борилди. Бундан сўнг икки томонлама ҳамкорликни йўлга қўйиш ҳамда Қорақалпоғистоннинг бир ҳудудида ичимлик суви, канализация тармоқларини модернизация қилиш бўйича келишувга эришилди.