Спортнинг Қўл жанги тури бўйича Қорақалпоғистон Республикаси Жўқорғи Кенгеси Раисининг кубоги беллашувлари бўлиб ўтди

Бугунги кунда ёшларнинг бўш вақтларини мазмунли ўтказиш, уларни жисмонан чиниққан комил инсон этиб тарбиялашга, жисмоний тарбия ва спортни ривожлантиришга алоҳида эътибор қаратиб келинмоқда.

Жорий йилнинг 5-6 декабрь кунлари Нукус шаҳридаги 1-сонли спорт мактабида (Манеж) ҳуқуқ-тартибот идоралари ходимлари ҳамда Қўл жанги федерациясидан ўзида 100 дан ортиқ спортчиларни қамраб олган Қўл жанги бўйича Қорақалпоғистон Республикаси Жўқорғи Кенгеси Раисининг кубоги беллашувлари бўлиб ўтди.

Бугунги ўтказилган финал беллашувлари очилишига бағишланган тадбирда Қорақалпоғистон Республикаси Жўқорғи Кенгесининг Раиси Аманбай Орынбаев сўзга чиқиб, иштирокчиларга омад тилади.

Қизғин рақобатга бой тарзда ўтказилган мусобақада спортчилар ўзларининг маҳоратини ва ҳар томонлама чиниққанлигини, ўзларининг кучли тайёргарликлар билан келганлигини кўрсата олди.

Кескин беллашувлар билан ўтган мусобақа якунида ўз вазн тоифаси бўйича ғолиблар қаторидан жой олган бир қатор ёшларга медаль ва қимматбаҳо совғалар топширилди.

Шунингдек, ғолиблар Қорақалпоғистон Республикаси Жўқорғи Кенгеси Раисининг кубоги билан тақдирланди.