Маҳаллалардаги фаол ёшлар билан учрашув ўтказилди

Қорақалпоғистон Республикаси Жўқорғи Кенгесининг Раиси Аманбай Оринбаев шаҳар ва туманлар маҳаллаларидаги кўча сардорлари бўлган фаол ёшлар билан учрашди.

Унда дастлаб, Жўқорғи Кенгес Раиси сўнгги йилларда ҳурматли Президентимизнинг Қорақалпоғистонга бўлган алоҳида меҳри ва эътибори билан алоҳида қабул қилинган қарор, фармонлар, шунингдек, шу асосда амалга оширилаётган эзгу ишлар, ҳаётимизда кенг татбиқ этилаётган ислоҳотлар ҳақида кенг турда таъкидлаб ўтди.

Шунингдек, ўтказилган учрашувда амалий чора-тадбирлар аниқ тасдиғи билан кўрсатилиб, бугунги кунда давом эттирилаётган ишлар, шунингдек, олдиндаги режалар ҳақида сўз юритилди.

Алоҳида фахр билан айтиш керак, ҳурматли Президентимизнинг фақат Қорақалпоғистон учун 2017 йилдан бери 78 фармон ва қарорлари қабул қилинган бўлиб, шундан, ҳозирги вақтда 38 ҳужжатнинг ижроси давом этмоқда. Энг асосийси, ушбу тарихий ҳужжатлар асосида халқимиз ҳаётида илгари бўлмаган ўзгариш ва янгиланишлар юз бермоқда. Ҳаётий ислоҳотларнинг амалий натижалари ҳар бир хонадонга кириб бормоқда.

Ўтказилган учрашувда ана шундай эзгу тадбирлар кенг муҳокама қилинди.

Ўз навбатида, ёшлар ҳам алоҳида меҳр ва эътибор учун ҳурматли Президентимизга Қорақалпоғистонлик ёшлар номидан чуқур миннатдорчилигини етказиш бўйича Жўқорғи Кенгес Раисига таклиф билдирди ва бу таклиф маъқулланди.

Бундан сўнг, ёшлар билан яқиндан фикр алмашилиб, ҳар бир кўтарилган масала белгилаб олинди.

Учрашув давомида жамоат ишларида фаол иштирок этиб, маҳаллаларда кўпчиликка намуна бўлаётган бир қатор ёшлар Жўқорғи Кенгес Президиуми қарори асосида "Фахрий ёрлиқ" билан тақдирланди.