Талаба-ёшлар билан учрашув
Қорақалпоғистон Республикаси Жўқорғи Кенгесининг Раиси Аманбай Оринбаев олий ўқув юртларидаги фаол талаба-ёшлар билан учрашди.
Унда дастлаб, Жўқорғи Кенгес Раиси сўнгги йилларда ҳурматли Президентимизнинг Қорақалпоғистонга бўлган алоҳида меҳри ва эътибори билан алоҳида қабул қилинган қарор ва фармонлар, шунингдек, шу асосда амалга оширилаётган эзгу ишлар, ҳаётимизга кенг татбиқ этилаётган ислоҳотлар ҳақида кенг таъкидлаб ўтди.
Шунингдек, ўтказилган учрашувда амалий чора-тадбирлар аниқ тасдиғи билан кўрсатилиб, бугунги кунда давом эттирилаётган ишлар, шунингдек, олдиндаги режалар ҳақида сўз юритилди.
Шуни ҳам алоҳида айтиш керакки, яқин қисқа вақт ичида Қорақалпоғистонда чин маънода тарихий воқеалар юз берди. Фақат Қорақалпоғистон аҳолиси ва тадбиркорлари, жамиятнинг барча қатламлари учун илгари бўлмаган имтиёзлар ҳамда кенг имкониятлар яратилди.
Ўтказилган учрашувда ана шундай эзгу тадбирлар ҳақида атрофлича сўз юритилди.
Бундан сўнг, ёшлар билан яқиндан фикр алмашилиб, ҳар бир кўтарилган масала белгилаб олинди.
Учрашув давомида жамоат ишларида фаол иштирок этиб, кўпчиликка намуна бўлаётган бир қатор ёшлар Жўқорғи Кенгес Президиумининг қарори билан "Фахрий ёрлиқ" билан тақдирланди.
