Тезюрар поезднинг техник синови ўтказилиб, дастлабки рейс Мискин станциясига етиб келди

Бугунги кунда халқимизга сифатли транспорт хизмати кўрсатишни яхшилаш борасида қатор амалий ишлар амалга оширилмоқда.

Шу қаторда Тошкент-Нукус йўналиши бўйича тезюрар поездининг темир йўл линиясини электрлаштириш ишлари олиб борилаётган эди.

Ана шундай тадбирлар натижасида Мискин станциясига илк тезюрар поезд етиб келди.

Бугунги кунда 196 километрлик "Мискин - Нукус" тезюрар поезди темир йўл линиясини тўлиқ электрлаштириш давом эттирилмоқда.

Ушбу темир йўл линиясининг электрлаштирилиши натижасида:

- биринчидан: юқори тезликда ҳаракатланувчи электр-поездлар қатновини йўлга қўйиш учун имконият яратилади;

- иккинчидан: ички туризм учун қулайликлар яратилиб, Қорақалпоғистон - Хоразм ўртасидаги маданий алоқалар янги босқичга кўтарилади;

- Бундан ташқари, Тошкент-Нукус ўртасидаги қатнов вақти ҳозирги 16 соатдан 7 соатга қисқартилишига эришилади.