Депутат ёрдамида бир оиланинг уйига табиий газ тармоғи тортиб берилди
1169
Жойларда оддий халқнинг муммоларини тинглаб, уларга яхши ҳаёт кечиришлари учун муносиб турмуш шароитларини яратиш, ижтимоий соҳа аҳволини ўрганиш, кам таъминланган, ёрдамга муҳтож аҳолига мавжуд муаммоларини ҳал этишда амалий ёрдам кўрсатиш депутатларимизнинг доимий диққат эътиборида бўлиб келмоқда.
O’zLiDeP партиясидан сайланган Хўжайли туман кенгаши депутати Светлана Мамутова ҳам ана шундай фаол депутатлардан бири. Эътиборли жиҳати халқ вакили ўзи сайланган ҳудуд аҳолисининг муаммоларини ўрганиш мақсадида эринмасдан пиёда уйма-уй юриб, аҳолининг яшаш шароити муаммолари билан ўртоқлашади.
Хўжайли тумани “Водник” посёлка фуқаролар йиғини “Тўлқин” кўчаси 40 уйда истиқомат қилувчи фуқаро Гулсара Сейбуллаева билан юзма-юз мулоқот қилиб, унинг яшаш шароити билан танишиб, муаммоларини тинглади. Гулсара опа 35 йил мобайнида мактабда ўқитиувчи бўлиб ишлаган. Ҳозирги кунда напақага чиққан.
Турмуш ўртоғи ҳам ишга ярамайди. 2009 йилдан бошлаб шу кунга қадар ўчоқда ўтин ёқиб келган. Фуқаронинг уй атрофига газ тармоғи келиб турганига анча бўлган.
Аммо шу газни уйига тортишга трубаси ва моддий шароити ҳам бўлмаган. Турмуш ўртоғи ҳар куни ўтин чопиш билан овора. Халқ вакили дарҳол тегишли ташкилот билан боғланиб, газ тармоғидан мутахассис келиб, овул оқсоқоли Кўптилеу Оспанов билан биргаликда ўз ҳисобидан керакли трубаларни олиб беришди ва опанинг оиласига табиий газ тармоғи тортиб берилди.
Натийжада сайловчининг муаммоси депутат ёрдамида бартараф қилинди. Ҳақиқатдан ҳам муаммонинг катта-кичиги бўлмайди. Ҳар бир мурожаат ортида инсон тақдири турганлигини унутмаслигимиз керак. Зеро, инсон манфаатлари ҳамма нарсадан устундир.
O’zLiDeP Қорақалпоғистон Республикаси Кенгаши матбуот хизмати