"Madaniyat va san’at sohasi xodimlari kuni" munosabati bilan tantanali bayram tadbiri bo‘lib o‘tdi

Bugun Berdaq nomidagi Qoraqalpoq davlat akademik musiqali teatrida "Madaniyat va san’at sohasi xodimlari kuni" munosabati bilan tantanali bayram kechasi bo‘lib o‘tdi.

Unda Qoraqalpog‘iston Respublikasi Jo‘qorg‘i Kengesining Raisi Amanbay Orinbaev so‘zga chiqib, yig‘ilganlarni bayram munosabati bilan tabrikladi.

Har qanday xalqning madaniyati va san’atiga bo‘lgan hurmat - bu o‘sha xalqning tarixi, milliyligi, urf-odat va an’analariga bo‘lgan hurmat hisoblanadi. Shuning uchun ham bugungi bayram ildizlari chuqur tarixga ega ko‘pmillatli xalqimizning, butun yurtimizning bayrami, desak, adashmagan bo‘lamiz.

Ta’kidlash joizki, so‘nggi yillarda yurtimizda hurmatli Prezidentimiz rahnamoligida madaniyat va san’at sohasini rivojlantirishga, soha xodimlariga qulay shart-sharoitlar yaratishga va ularning xizmatlarini munosib baholashga, aholining madaniy dam olishini mazmunli tashkil etishga alohida e’tibor qaratilib, bu borada keng ko‘lamli ishlar amalga oshirilmoqda.

O‘tgan qisqa davr mobaynida sohaga oid qator Qonun, Farmon va Qarorlar qabul qilingani bu boradagi chora-tadbirlar ko‘lamini yangi bosqichlarga ko‘tarmoqda.

O‘tkazilgan tantanali tadbir davomida ana shunday ezgu ishlar haqida keng turda aytib o‘tildi.

Bayram tadbiri konsert dasturi bilan davom etdi.