Aral futbol jamoasi 7-tur o‘yinlari yakunlariga ko‘ra Pro ligada 1-o‘ringa ko‘tarildi
208
Bugungi kunda futbol bo‘yicha O‘zbekiston Pro ligasi o‘yinlari davom etmoqda.
Joriy yilning 6-may kuni Nukus shahrida Pro liga 7-tur o‘yinlari doirasida Aral jamoasi Farg‘ona viloyatining Yaypan jamoasiga qarshi maydonga tushdi.
O‘yinda dastlab Aral jamoasidan Ruslan Anuarov hisobni ochgan bo‘lsa, bundan so‘ng jamoa ketma-ket ustunlikni mustahkamlab, hisobni 5:0 ko‘rinishiga yetkazdi.
O‘yinning 56-daqiqasida Yaypan jamoasidan Akborxon Ibrohimxonov Aral darvozasiga jamoasining dastlabki golini kiritdi, hisob 5:1.
Shu tariqa o‘yin 5:1 hisobi bilan yakunlandi va Aral jamoasi Pro ligadagi o‘rnini mustahkamlab, raqiblar darvozasiga kiritilgan gollar hisobiga birinchi o‘ringa ko‘tarildi.