O‘zbekiston Respublikasi Vazirlar Mahkamasining 2025-yil 24-oktyabrdagi 673-sonli qaroriga muvofiq, aholi turar joylarining energiya samaradorligini oshirish bo‘yicha yangi tizim joriy etildi.

🔹Endi uyingiz energiya auditidan o‘tkaziladi. Mutaxassislar uyingizda energiya qayerda ortiqcha sarf bo‘layotganini aniqlab beradi.

❗️Eng muhimi - ushbu tekshiruv xarajatlari 100 foiz davlat tomonidan qoplab beriladi.

🔹Bundan keyin, uyingizda energiyani tejash uchun davlat moliyaviy yordam ko‘rsatadi.

🔹Agar siz quyosh panellari yoki boshqa uskunalarni o‘rnatsangiz, xarajatning
20 foizigacha qismiga subsidiya ajratiladi.

➡️Masalan, agar 10 million so‘mlik uskuna o‘rnatsangiz - taxminan 2 million so‘mgacha davlat qoplab beradi.

🔹Issiqlik nasoslari uchun esa 40 foizgacha subsidiya beriladi.

🔹Ya’ni 10 million so‘mlik uskuna uchun 4 million so‘mgacha yordam olish mumkin.

❗️Amalda ushbu subsidiya miqdori belgilangan norma va limitlar doirasida qo‘llaniladi.

📌Bundan tashqari, uylarni energiya tejamkor qilish uchun "yashil ta’mir" kreditlari orqali moliyaviy resurslar beriladi. Bu kreditlar uylarda issiqlikni saqlash, energiya sarfini kamaytirish va zamonaviy tejamkor uskunalar o‘rnatishga yo‘naltirilgan.

🔹Agar kredit foiz stavkasi 19 foizdan yuqori bo‘lsa, davlat foizning ushbu chegaradan oshgan qismini qoplab beradi. Lekin qoplab berish miqdori 4 foizdan oshmasligi belgilangan. Bu orqali kredit yuki ancha yengillashtiriladi va aholi uchun to‘lov sharoiti qulaylashadi.

🖌Barcha jarayonlar - ariza berish, subsidiya olish va kredit rasmiylashtirish - yagona raqamli platforma orqali amalga oshiriladi. Tizim elektr, gaz va kadastr ma’lumotlari bilan bog‘langan bo‘lib, barcha jarayonlar avtomatik va shaffof tarzda tekshiriladi.