Мәмлекетлик уйымлар ҳәм шөлкемлер арасында коррупцияға қарсы гүресиў бойынша таңлаўдың жеңимпазлары сыйлықланды
Мәмлекетлик уйымлар ҳәм шөлкемлер арасында коррупцияға қарсы гүресиў бойынша таңлаўдың жеңимпазлары сыйлықланды
1391
Бүгин Мәмлекетлик уйымлар ҳәм шөлкемлер арасында коррупцияға қарсы гүресиў бойынша таңлаўдың жеңимпазлары сыйлықлаў мәресими болып өтти.
Онда Қарақалпақстан Республикасы Жоқарғы Кеңеси Баслығының Орынбасары Р.Сапарбаев қатнасты.
Жақында Қарақалпақстан Республикасы Коррупцияға қарсы гүресиў аймақлық кеңеси баслығының басламасы менен Қарақалпақстан Республикасындағы Мәмлекетлик уйымлар ҳәм шөлкемлердың коррупцияға қарсы гүресиў ҳәм комплаенс-қадағалаў бөлими жуўаплы хызметкерлери арасында таңлаў жәрияланған еди.
Таңлаў 3-басқыштан ибарат болып, қатнасыўшылар 1-басқышта тараўға байланыслы нызамшылық ҳүжжетлери бойынша тест сораўлары, 2-басқышта оқыў орнында коррупцияға қарсы гүресиў бойынша комплаенс системасы ҳәмде 3-басқышта коррупцияның алдын алыў ҳәм усы бағдардағы нызамшылық базасын жетилистириў бойынша усыныслар ислеп шығыў шәртлери бойынша беллести.
Таңлаў жуўмағы бойынша Нуржанов Расул Уразбаевич - Қарақалпақстан Республикасы Мәмлекетлик салық басқармасы жеке қәўипсизлик бөлими баслығы 1-орынды, Абдиев Улугбек Файзуллаевич – Ɵзбекстан Республикасы Финанс министрлиги жанындағы Бюджеттен тысқары пенсия қоры Қарақалпақстан Республикасы басқармасы Юридикалық бюро бас юрисконсульти 2-орынды, Махмудов Илнур Фаритович - «Қарақалпақ аймақлық электр тармақлары кәрханасы» АЖниң коррупцияға қарсы гүресиў ҳәм комплаенс-қадағалаў бөлими баслығы 3-орынды жеңип алды.
Таңлаў жуўмағы бойынша жеңимпазлар ҳәм белсене қатнасқан қатнасыўшыларға естелик ҳәм баҳалы саўғалар тапсырылды.
