Қорақалпоғистон Республикасида ташкил этилган Кичик ва Ёшлар саноат зоналарида ўз тадбиркорлигини бошлаш истаги бор ташаббускорларга бир нечта имтиёзлар такдим этилган

Шундан: - кичик саноат зонасининг бўлиниш чегарасига қадар коммуникация тармоқлари билан таъминлаб берилади; - Ўзбекистон Республикаси Президентининг 2023 йил 8-август кунги 129-сонли фармонига асосан кичик ва ёшлар саноат зоналаридан олинган ер майдонлари ва иншоотлар инвестицион мажбуриятларини бажарган тадбиркорларга хусусийлаштириб берилади; - 5 йил имтиёзли давр билан 10 йилга имтиёзли кредит берилади; - Зарур ускуналарни олиб келишда божхона имтиёзлари татбиқ қилинади; - аукциондан сотиб олинган ер майдонларига бўлган тўловларни 24 ой давомида бўлиб тўлаш имконияти берилади. Айтиб ўтиш зурур, Нукус шаҳри ва туманларда 234,6 гектар ер майдонларида 31 кичик саноат зоналари ташкил этилган, улар 807 лотларга бўлинган. Шундан, ер майдони 103,8 га бўлган 310 лотлар тадбиркорлик субъектларига ажратилиб берилган. Қолган 72,5 га ер майдонидаги 496 лотлардан 61,8 га ер майдонидаги 447 лотлар Электрон онлайн-аукционга чиқарилиб, бугунги кунда ер майдони 38,6 га бўлган 223 лотлар савдода. Шу жумладан, республикамизда умумий майдони 41,7 гектар бўлган 17 Ёшлар саноат ва тадбиркорлик зоналари ташкил этилган, улар 484 лотларга бўлинган. Шундан, ер майдони 1,82 га бўлган 24 лот тадбиркорлик субъектларига ажратилиб берилган. Қолган 23,9 га ер майдонидаги 460 лотдан 20,65 га майдондаги 383 лот электрон онлайн-аукционга чиқарилиб, бугунги кунда 12,7 га ер майдонидаги 230 лот савдода. Ўз лойиҳаларини амалга оширишни ният қилган ташаббускорлар юқорида кўрсатилиб ўтилган имтиёзлардан фойдаланиб, тадбиркорлигини бошлашига имконият бор.