Bugun O‘zbekiston Respublikasi Prezidenti Shavkat Mirziyoyev tomonidan respublika miqyosida "Yashil makon" umummilliy loyihasiga start berildi

Unda Qoraqalpog‘iston Respublikasi va viloyatlardan videoaloqa orqali mamlakatimiz farovonligiga, yashil belbog‘larni barpo etishga hissa qo‘shish niyatida bo‘lgan respublika faollari, yoshlar, nuroniylar va xotin-qizlar, idora, tashkilotlar xodimlari hamda keng jamoatchilik vakillari ishtirok etdi.

Qoraqalpog‘iston Respublikasi Jo‘qorg‘i Kengesi Raisi Amanbay Orinbaev rahbarligida Nukus shahri atrofida daraxt ko‘chatlarini ekish ishlari boshlab yuborildi.

Bugungi kunda shahar va tumanlarimizda "Yashil makon" umummilliy loyihasi doirasida daraxt ko‘chatlari ekilib, bu ishlar uyushqoqlik bilan olib borilmoqda.