Минтақалараро ҳамкорлик масалалари муҳокама қилинди

Қорақалпоғистон делегациясининг Хитой Халқ Республикасига ташрифининг иккинчи куни муҳим мулоқотлар билан ўтди.

Жумладан, Шинжон-Уйғур автоном райони раҳбарияти билан учрашув ўтказилди.

Унда икки давлат ўртасидаги савдо ва иқтисодий ҳамкорлик мустаҳкамланиб бораётганлигини алоҳида таъкидлаб ўтилди.

Шунингдек, Қорақалпоғистон Республикаси Жўқорғи Кенгесининг Раиси Аманбай Орынбаев ҳурматли Президентимизнинг Қорақалпоғистонга алоҳида эътибори билан инвесторлар учун яратилган шароитлар ҳақида кенг турда маълумот берди.

Шунингдек, қишлоқ хўжалиги техникаларини ишлаб чиқариш ҳамда Каустик сода ишлаб чиқаришни йўлга қўйиш ҳамда бошқа соҳаларда амалий инвестицион лойиҳаларни ҳамкорликда амалга ошириш борасида 8 та йўналишда таклифлар билдирилди.

Шинжон-Уйғур халқ партияси котиби Чэнь Сяоцзян замонавий қишлоқ хўжалиги, мутахассисларни қайта тайёрлаш, яшил иқтисодиёт, экология, савдо-иқтисодий ҳамкорлик ҳамда туризмни ривожлантириш борасида ижтимоий-иқтисодий масалаларида ҳамкорликка тайёрлигини билдириб, 4 та йўналишда қўшимча ишлаш бўйича келишиб олинди.

Шинжон қишлоқ хўжалиги фанлар академияси вице-президенти Алиф Эрси билан учрашув ўтказилди ва унда чорва озуқа базаси учун экиладиган ўсимликларни етиштириш бўйича кенг ҳамкорликни йўлга қўйиш, Хитой тажрибасини тадбиқ этиш ҳамда қишлоқ хўжалигини ривожлантириш истиқболлари белгилаб олинди ва ушбу йўналиш бўйича меморандум имзолашга келишиб олинди.