Жўқорғи Кенгес Раисининг ўринбосари сўнгги қўнғироқ тадбирида иштирок этди

Қорақалпоғистон Республикаси Жўқорғи Кенгеси Раисининг ўринбосари Р.Нуразизов Нукус шаҳридаги Муҳаммад ал-Хоразмий номидаги ихтисослаштирилган мактабида ўтказилган сўнгги қўнғироқ тадбирида иштирок этди.

Тадбирда Ўзбекистон Республикаси Президентининг битирувчи ўғил-қизларга йўллаган табриги ўқиб эшиттирилди.

Шунингдек, Жўқорғи Кенгес Раисининг ўринбосари мактаб битирувчиларини табриклади.

Бундан кейин тенгдошлари орасида алоҳида қобилияти, билими ва намунали хулқи билан кўзга тушган ўқувчилар, уларнинг ота-оналари ва билим берган устозларига миннатдорчилик билдирди.

Ўтказилган тадбирда Президентимиз томонидан юртимизнинг келажаги бўлган ёшларга қаратилаётган эътибор ва имкониятлар таъкидлаб ўтилиб, бу имкониятлар асосида кўплаб ёшлар ўзининг истеъдодини юзага чиқараётганлиги ва кўплаб ютуқларга эришиб келаётганлиги сўз этилди.

Тадбир давомида сунгги қўнғироқ чалинди.