Тадбиркорларнинг фикр ва таклифлари тингланмоқда

Ҳурматли Президентимизнинг тадбиркорлар билан VI очиқ мулоқотига тайёргарлик ишлари барча жойларда давом эттирилмоқда.

Ана шу йўналишдаги тадбирларнинг давоми сифатида, кўп миллатли халқимиз дўстлик рамзига айланган, Гиннеснинг рекордлар китобига киритилган Қора уйда  тадбиркорлар билан учрашув ўтказилди.

Унда Қорақалпоғистон Республикаси Жўқорғи Кенгесининг Раиси Аманбай Орынбаев, Ўзбекистон Республикаси Божхона қўмитаси раиси А.Мавлонов иштирок этди.

Таъкидланганидек, сўнгги йилларда юртимизда ҳурматли Президентимизнинг алоҳида эътибори билан Қорақалпоғистон учун махсус қабул қилинган қарор ва фармонлар асосида тадбиркорликни ривожлантириш, инвестиция лойиҳаларини қўллаб-қувватлаш борасида кенг кўламли имкониятлар яратиб берилган.

Бугунги учрашувда ҳам ана шундай эзгу ишлар ҳақида таъкидланди.

Шунингдек, тадбиркорларнинг ўз бизнесини янада ривожлантириш учун яна қандай чора-тадбирларни амалга ошириш бўйича фикр-таклифлари ва муаммолари тингланди.