«Арал» футбол жамоасига Президент совғаси - замонавий автобус топширилди

Хабарингиз бор, бугунги кунда Про Лига ўйинларида «Арал» футбол жамоамиз етакчиликни қўлдан бермай келмоқда.

Бугун футбол жамоамизни қўллаб-қувватлаш мақсадида Президент совғаси - замонавий автобус тантанали равишда топширилди.

Унда Қорақалпоғистон Республикаси Жўқорғи Кенгесининг Раиси Аманбай Орынбаев сўзга чиқиб, жамоамиз доимо қўллаб-қувватлашда эканлигини таъкидлади.

Бундан сўнг, Ўзбекистон Про Лигасининг 11-тур марказий ўйинида 26 очко тўплаган ҳолда биринчиликни қўлдан бермай келаётган «Арал» футбол жамоамиз «Шўртан» жамоасига қарши майдонга тушди ва ўйин якунида 3:1 ҳисобида ғалаба қозонди.

Айтиш жоизки, ПФК «Арал» бугунги кунда Про Лигада етакчиликни қўлдан бермай келмоқда. Келгусида жамоамиз, албатта, Супер Лига ўйинларида иштирок этиш имкониятини қўлга киритишига қатъий ишонамиз.