Мамлакатимиз Мустақиллиги байрами муносабати билан «Ўзбекистон Республикаси Мустақиллигининг 35 йиллиги» эсдалик нишони топширилди

Мамлакатимизнинг иқтисодий қудратини ошириш, тадбиркорлик ва хусусий секторни ривожлантириш, янги иш ўринлари яратиш, аҳоли фаровонлигини, давлат ва жамият ҳаётининг барча соҳаларида ислоҳотлар самарасини таъминлашда жонбозлик кўрсатиб келаётган, ёш авлодни ватанпарварлик руҳида тарбиялаш, юртимизда тинчлик-осойишталик, миллатлараро тотувлик ва бағрикенглик муҳитини мустаҳкамлаш, Янги Ўзбекистоннинг халқаро миқёсдаги обрў-эътиборини юксалтиришга муносиб ҳисса қўшиб келаётган юртдошларимизни тақдирлаш мақсадида яқинда Ўзбекистон Республикаси Президентининг «Ўзбекистон Республикаси мустақиллигининг 35 йиллиги» эсдалик нишони билан мукофотлаш тўғрисида»ги Фармони қабул қилинган эди.

Фармон билан Қорақалпоғистон Республикасидан ҳам бир гуруҳ фаоллар тақдирланди.

Қорақалпоғистон Республикаси Жўқорғи Кенгесида ушбу мукофотларни топширишга бағишланган тадбир ўтказилди. Унда Жўқорғи Кенгес Раиси Аманбай Орынбаев сўзга чиқиб, энг улуғ ва энг азиз байрам муносабати билан йиғилганларни табриклади.

Бундан сўнг юртимиз равнақи йўлида муносиб ҳисса қўшаётган бир гуруҳ фаолларга «Ўзбекистон Республикаси Мустақиллигининг 35 йиллиги» эсдалик нишони топширилди.

Тадбирда сўзга чиққанлар халқимизнинг фаровон турмушини таъминлаш йўлида бундан буён ҳам фидокорона хизмат қилишини таъкидлаб, меҳнатлари муносиб баҳоланаётгани учун ҳурматли Президентимизга алоҳида миннатдорчилик билдирди.