Тахтакўпир тумани «Дәўир» маҳалласининг янги биноси фойдаланишга топширилди

Бугун Тахтакўпир туманида Ўзбекистон Республикаси Мустақиллигининг 35 йиллиги байрами арафасида «Дәўир» маҳалласи учун янги қурилган бино фойдаланишга топширилди.

Мазкур лойиҳа 1 миллиард 290 миллион сўм маблағ ҳисобидан қурилиб, фойдаланишга топширилди.

Янги бинонинг очилиш маросимида туман ҳокими Ж.Адилов, маҳалла аҳолиси ва кенг жамоатчилик вакиллари иштирок этди.

Замонавий ва қулай шароитларга эга бўлган янги бинода маҳалла аҳли учун қатор қулайликлар, маҳалла хизматларини самарали ташкил этиш ва аҳоли билан ишлаш учун барча зарур шароитлар яратилган.