Qaraqalpaqstan Respublikasında miymanxana xızmetlerin rawajlandırıw hám qolaylı sharayatlar jaratıw ilajları haqqında

Ózbekstan Respublikası Ministrler Kabinetiniń qararı

 

Ózbekstan Respublikası Prezidentiniń «Qaraqalpaqstan Respublikasın kompleksli sociallıq-ekonomikalıq rawajlandırıw hám xalıq bántligin támiyinlewdiń qosımsha ilajları haqqında» 2024-jıl 9-fevraldaǵı PQ-66-sanlı qararına muwapıq Ministrler Kabineti qarar etedi:

1.Tómendegilerdi názerde tutatuǵın Qaraqalpaqstan Respublikasında úsh juldızlıǵa aylanırılatuǵın miymanxanalar ushın subsidiya ajıratıw tártibi haqqınddaǵı reje qosımshaǵa muwapıq tastıyıqlansın:

Subsidiya ajıratıw boyınsha isbilermenge qoyılatuǵın talaplar, subsidiya alıw ushın múrájat etiw tártibi hám usınıs etiletuǵın hújjetler;

múrájattı kórip shıǵıw hám qarar qabıllaw tártibi, subsidiya ajıratıwdı biykarlaw tiykarları.

2. Ózbekstan Respublikası Ekologiya, qorshaǵan ortalıqtı qorǵaw hám klimat ózgeriwi ministrligi janındaǵı Turizm komiteti Sanlı texnologiyalar ministrligi hám Ádillik ministrligi menen birgelikte eki ay múddette:

Usı qarar menen tastıyıqlanǵan Reje tiykarında mámleketlik xızmet Ózbekstan Respublikası Birden-bir interaktiv mámleketlik xızmetleri portalı (keyingi orınlarda- YaIDXP) arqalı engiziliwin támiyinlesin;

YaIDXPda mámleketlik xızmetin kórsetiwdiń hár bir basqıshında múrájatlardı kórip shıǵıwdı baqlap barıw tártibin engizsin.

3. Ózbekstan Respublikası Ádillik ministrligi Ekologiya, qorshaǵan ortalıqtı qorǵaw hám klimat ózgeriwi ministrligi janındaǵı Turizm komiteti uyımlar tárepinen mámleketlik xızmetlerin kórsetiwdiń belgilengen tártibine ámel etiliwi boyınsha olardıń jumısı boyınsha, sonıń ishinde, YaIDXP arqalı turaqlı qadaǵalaw ornatsın.

4. Usı qarardıń orınlanıwın qadaǵalaw Ózbekstan Respublikası ekologiya, qorshaǵan ortalıqtı qorǵawhám klimat ózgeriwi ministri A.A. Abduxakimovqa júklensin.

 

Ózbekstan Respublikasınıń Bas ministri A.Aripov

Tashkent qalası.,

2024-jıl 16-may,

287-sanlı