2024-2025-jılları Qaraqalpaqstan Respublikasınıń paxta, masaqlı dán hám salı jetistiriwshi subektlerine lazerli qurılmaǵa iye tegislegish agregatları menen jer tegislew qárejetleri ushın subsidiya ajıratıw tártibi haqqındaǵı waqıtsha rejeni tastıyıqlaw haqqında
Ózbekstan Respublikası Ministrler Kabinetiniń Qararı
Ózbekstan Respublikası Prezidentiniń «Qaraqalpaqstan Respublikasın kompleksli sociallıq-ekonomikalıq rawajlandırıw hám xalıqtıń bántligin támiyinlewdiń qosımsha ilajları haqqında» 2024-jıl 9-fevraldaǵı PQ-66-sanlı qararınıń orınlanıwın támiyinlew, sonday-aq, jer hám suw resurslarınan nátiyjeli paydalanıw, suwdı únemleytuǵın suwǵarıw texnologiyaların qollanıw kólemin keńeytiw, suwǵarılatuǵın jerlerdiń ónimdarlıǵın arttırıw hám awıl xojalıǵı ónimlerin jetistiriwshilerdi jáne de qollap-quwatlaw maqsetinde Ministrler Kabineti qarar etedi:
1. Tómendegilerdi názerde tutatuǵın 2024-2025-jılları Qaraqalpaqstan Respublikasınıń paxta, masaqlı dán hám salı jetistiriwshi subektlerine lazerli qurılmaǵa iye jer tegislegish agregatlar menen tegislew qárejetleri ushın subsidiya ajıratıw tártibi haqqındaǵı waqıtsha rede qosımshaǵa muwapıq tastıyıqlansın:
Paxta, masaqlı dán hám salı jetistiriwshi subektlerge lazerli qurılmaǵa iye jer tegislegish agregatlar menen jer tegislew qárejetleri ushın subsidiya ajıratıw boyınsha talap etiletuǵın hújjetler, olardı kórip shıǵıw hám subsidiya ajıratıw haqqındaǵı qarardı qabıl etiw;
Paxta, masaqlı dán hám salı jetistiriwshi subektlerge lazerli qurılmaǵa iye jer tegislegish agregatlar menen jer tegislew qárejetleri ushın subsidiya ajıratıw.
Bunda bul subsidiyalar:
Birinshi basqıshta – 2024-jılı Ámiwdárya, Tórtkúl hám Beruniy rayonlarındaǵı joybarlardı, eger usı rayonlardaǵı joybarlarǵva ajıratılǵan qarjılar únemlense, basqa rayonlardaǵı joybarlardı;
Keyingi basqıshta – 2025-jılı Qaraqalpaqstan Respublikasınıń baslıq rayonlarındaǵı joybarlardı ámelge asırıw ushın ajıratıladı.
2. Belgilensin:
Qaraqalpaqstan Respublikasınıń paxta, masaqlı dán hám salı jetistiriwshi subektlerine 2024-jıldıń may ayınan baslap lazerli qurılmaǵa iye jer tegislegish agregat menen tegislengen hár bir gektar egin maydanına jumsalǵan janar may-maylaw materialları qárejetleriniń 100 procentin, biraq 1 mln sumnan artıq bolmaǵan bólimin qaplap ushın Ózbekstan Respublikası Mámleketlik byudjetinen subsidiyalar ajıratıladı;
2024-jılı usı subsidiyalar 2024-jıl ushın Ózbekstan Respublikası Mámleketlik byudjeti parametrlerinde Qaraqalpaqstan Respublikası Awıl xojalıǵı kárxanaların lazerli qurılmaǵa iye tegislegish agregatlar menen támiyinlew ushın subsidiyalarda názerde tutılgan qarjılar sheńberinde ajıratıladı.
Ózbekstan Respublikası Ekonomika hám qarjı ministrligi Awıl xojalıǵı ministrliginiń esap-sanaqlarına tiykarlanıp 2025-jıl ushın Ózbekstan Respublikası Mámleketlik byudjeti parametrlerinde Qaraqalpaqstan Respublikasınıń paxta, masaqlı dán hám salı jetistiriwshi subektlerine lazerli qurılmaǵa iye jer tegislegish agregatlar menen jer tegislew qárejetleri ushın subsidiyalarǵa talap etiletuǵın qarjılardıń názerde tutılıwın támiynlesin.
3. Usı qarardıń orınlanıwın qadaǵalaw Ózbekstan Respublikası Bas ministriniń orınbasarları J.A. Qwchqorov hám J.A. Xodjaevqa júklensin.
Ózbekstan Respublikasınıń Bas ministri A. ARIPOV
Tashkent q.,
2024-jıl 24-iyun,
348-sanlı