LATÍN JAZÍWÍNA TIYKARLANǴAN QARAQALPAQ ÁLIPBESIN ENGIZIW HAQQÍNDA

QARAQALPAQSTAN RESPUBLIKASÍNÍŃ NÍZAMÍ 26.02.1994-j. №367/XII LATÍN JAZÍWÍNA TIYKARLANǴAN QARAQALPAQ ÁLIPBESIN ENGIZIW HAQQÍNDA

Usı Nızamǵa tómendegilerge muwapıq ózgerisler kirgizilgen: 10.06.1995-j. 50/I-sanlı QR Nızamı 29.12.1995-j. 143/I-sanlı QR Nızamı 08.10.2009-j. 253/III-sanlı QR Nızamı 10.06.2016-j. 92/IX-sanlı QR Nızamı Bul Nızam Ózbekstan Respublikasınıń hám Qaraqalpaqstan Respublikasınıń Konstituciyalarına tiykarlanıp, 1925-1940–jıllardaǵı unamlı tájiriybelerine súyene otırıp, keń jámiyetshilik wákilleriniń tileklerin esapqa alıp respublikanıń hár tárepleme rawajlanıwın hám onıń jer júzilik kommunikativlik sistemaǵa ótiwin tezletetuǵın qolaylı jaǵdaylar dúzewge qaratılǵan. 1-statya. Qaraqalpaqstan Respublikasında tómendegi 34 háripten (conıń ishinde 6 hárip úct belgisi menen) turatuǵın latın jazıwına tiykarlanǵan qaraqalpaq álipbesi engizilsin (qosımsha etiledi). (10.06.1995-j. 50/I-sanlı, 29.12.1995-j. 143/I-sanlı, 08.10.2009-j. 253/III-sanlı, 10.06.2016-j. 92/IX-sanlı QR Nızamlarına tiykarlanıp ózgerisler kirgizilgen) 2-statya. Latın jazıwına tiykarlanǵan qaraqalpaq álipbesi engizilgende qaraqalpaq xalqınıń milliy maqtanıshı bolıp tabılatuǵın biybaha ruwxıy miyrası arabsha jazıwdı hám kirillicanı úyreniw jáne paydalanıw ushın zárúrli jaǵdaylar saqlanadı.

Latın jazıwına tiykarlanǵan qaraqalpaq álipbesi