QARAQALPAQSTAN RESPUBLIKASÍNÍŃ MÁMLEKETLIK GIMNI HAQQÍNDA

QARAQALPAQSTAN RESPUBLIKASÍNÍŃ NÍZAMÍ 24.12.1993-j. №322/XII

 QARAQALPAQSTAN RESPUBLIKASÍNÍŃ MÁMLEKETLIK GIMNI HAQQÍNDA

 Usı Nızamǵa tómendegilerge muwapıq ózgerisler kirgizilgen: 29.08.2005-j. 49/III-sanlı QR Nızamı 21.10.2011-j. 98/VII-sanlı QR Nızamı 29.06.2019-j. 258/ XXVI-sanlı QR Nızamı 16.12.2019-j  282/XXIX-sanlı QR Nızamı 1-statya. Qaraqalpaqstan Respublikası Mámleketlik gimniniń sózi hám muzıkalıq redakciyası tastıyıqlansın. 2-statya. Qaraqalpaqstan Respublikasınıń Mámleketlik gimni Qaraqalpaqstan Respublikasınıń mámleketlik suverenliginiń nıshanı bolıp tabıladı. Qaraqalpaqstan Respublikasınıń Mámleketlik gimnine tereń húrmet Qaraqalpaqstan Respublikasınıń hár bir puqarasınıń azamatlıq minneti. 3-statya. Qaraqalpaqstan Respublikasınıń Mámleketlik gimni: 1) Qaraqalpaqstan Respublikasında belgilenetuǵın ǵalaba xalıqlıq bayramlarǵa baǵıshlanǵan saltanatlı jıynalıslar menen májilisler ashılǵanda hám jabılǵanda Ózbekstan Respublikası Mámleketlik gimni atqarılǵannan keyin; 2) Qaraqalpaqstan Respublikasınıń televidenie hám radioesittiriwlerinde hár kúni - kórsetiw hám esittiriwler basında hám aqırında, kórsetiw hám esittiriwler keshesi hám kúndiz alıp barılǵanda saat 6 da hám saat 24 te, jańa jıl aqshamında saat 24 te Ózbekstan Respublikası Mámleketlik gimni atqarılǵannan keyin; 3) respublikanıń turmısındaǵı eń áhmiyetli tariyxıy waqıyalardı belgilew ushın kórnekli siyasiy, mámleketlik, áskeriy ǵayratkerlerdiń, xalıq qaharmanlarınıń, ilim, ádebiyat hám kórkem-óner ǵayratkerleriniń húrmetine estelikler, sonday-aq monumentler, obeliskler hám basqa da qurılıslar ashqanda Ózbekstan Respublikası Mámleketlik gimni atqarılǵannan keyin; 4) mámleketlik uyımlar, basqa da shólkemler tárepinen ótkeriletuǵın máresimler hám basqa da saltanatlı ilajlar waqtında Ózbekstan Respublikası hám Qaraqalpaqstan Respublikasınıń Mámleketlik bayraqların kótergende; 5) áskeriy máresimlerdi ótkeriw waqtında - Ózbekstan Respublikası Qurallı Kúshleriniń ulıwma áskeriy ustavlarına muwapıq; 6) ulıwma orta, orta arnawlı, kásip-óner hám joqarı bilimlendiriw mákemelerinde - jańa oqıw jılı baslanıwı hám oqıw jılı tamam bolıw máresimleri waqtında; 7) sport maydanlarında - Qaraqalpaqstan Respublikası chempionatların, Qaraqalpaqstan Respublikası aymaǵında milliy saylandı komandalar qatnasıwında xalıq aralıq sport jarısların ótkeriw waqtında hámde sol jarıstaǵı jeńimpaz bolǵan milliy saylandı komandalarınıń wákillerin sıylıqlaw máresimlerin ótkeriw waqtında Ózbekstan Respublikası hám Qaraqalpaqstan Respublikasınıń Mámleketlik bayraqların kótergende Ózbekstan Respublikası Mámleketlik gimni atqarılǵannan keyin. (21.10.2011-j. 99/VII-sanlı QRNızamı tiykarında ózgerisler kirgizilgen) 8) Xalıq deputatları Keńesleri deputatları saylawları yamasa referendum kúnleri — dawıs beriw ótkeriletuǵın imaratlarda saat 8.00 de Ózbekstan Respublikası Mámleketlik gimni atqarılǵannan keyin atqarıladı. (16.12.2019-j. 282/XXIX-sanlı QR Nızamına tiykar ózgerisler kiritilgen) 4-statya. Qaraqalpaqstan Respublikasınıń Mámleketlik gimni oǵan bolǵan tiyisli dárejedegi húrmet támiyinlengen jaǵdayda ulıwmalıq bayramlar hám saltanatlı máresimler waqtında Ózbekstan Respublikası Mámleketlik gimni atqarılǵannan keyin atqarılıwı mumkin. (21.10.2011-j. 99/VII-sanlı QR Nızamı tiykarında ózgerisler kirgizilgen) 5-statya. Qaraqalpaqstan Respublikasınıń Mámleketlik gimni orkestrdiń, xordıń, orkestrdiń-xordıń yamasa basqa da vokaldıń hám instrumenttiń atqarıwında orınlanıwı múmkin. Usınıń menen birge ses jazıp alıw quralları paydalanıwı múmkin. Vokaldıń hám vokaldıń-instrumenttiń qosılıpatqarıw jaǵdaylarında Qaraqalpaqstan Respublikasınıń Mámleketlik gimni tolıq atqarıladı, al instrumenttiń atqarıwı jaǵdaylarında gimnniń bir bóleginiń atqarılıwında da ruxsat etiledi, qosıqtıń baslaması hám bir márte naqıratı atqarıladı. 6-statya. Qaraqalpaqstan Respublikasınıń mámleketlik gimni usı Nızam menen tastıyıqlanǵan gimnniń sózine hám muzıkalı redakciyasına tolıq muwapıq atqarılıwı tiyis. 7-statya. Qaraqalpaqstan Respublikasınıń Mámleketlik gimni kópshiliktiń aldında atqarılǵanda, eger nızam hújjetlerinde basqasha tártip belgilenbegen bolsa, qatnasıwshılar Qaraqalpaqstan Respublikasınıń Mámleketlik gimnin túrgelip turıp hám oń qol alaqanın kókirektiń shep tárepine qoyıp, áskeriy yamasa mámlekettiń basqa xızmetindegi arnawlı kiymdegi shaxslar bolsa qolın bas kiyimine qoyıp tıńlaydı. Eger Qaraqalpaqstan Respublikası Mámleketlik gimniniń orınlanıwı Qaraqalpaqstan Respublikasınıń Mámleketlik bayraǵınıń kóteriliwi menen birgelikte ámelge asırılsa, qatnasıwshılar oǵan júzi menen burıladı. (21.10.2011-j. 99/VII-sanlı QR Nızamı tiykarında ózgerisler kirgizilgen) 8-statya. Qaraqalpaqstan Respublikasınıń mámleketlik gimnin atqarıw: áskeriy bólimlerde, sonday-aq Qaraqalpaqstan Respublikasınıń Mámleketlik gimni atqarǵanda áskeriy xızmetkerler tárepinen áskeriy húrmet bildiriw áskeriy ustavlar menen; ishki isler uyımlarında atqarıw, sonday-aq Qaraqalpaqstan Respublikasınıń Mámleketlik gimni atqarılǵanda ishki isler uyımlarınıń qatardaǵı, serjantlar, oficerler hám basshı quramında bolǵan shaxslardıń sálem beriwi - Qaraqalpaqstan Respublikası Ishki isler ministriniń buyrıqları menen belgilenetuǵın qaǵıydalar menen; bilimlendiriw mákemelerinde Qaraqalpaqstan Respublikasınıń Húkimeti, xalıq bilimlendiriw ministrligi tárepinen mápdar shólkemler menen kelisilip belgilenetuǵın qaǵıydalar menen tártiplestiriledi. (21.10.2011-j. 99/VII-sanlı QR Nızamı tiykarında ózgerisler kirgizilgen) 9-statya. Qaraqalpaqstan Respublikasınıń aymaǵında respublikalıq hám xalıq aralıq sport jarısların ótkergende Qaraqalpaqstan Respublikasınıń Mámleketlik gimni mápdar shólkemler menen kelisilip Dene tárbiya hám sport ministrligi tárepinen belgilengen qaǵıydalarǵa muwapıq atqarıladı. (29.06.2019-j. 258/XXVI-sanlı QR Nızamı tiykarında ózgeris kirgizilgen) Xalıq aralıq sport jarısları ótkerilgende Qaraqalpaqstan Respublikasınıń Mámleketlik gimnin atqarıw tártibi xalıq aralıq sport shólkemleriniń tiyisli tájiriybesi esapqa alınıp belgilenedi. (29.08.2005-j. 49/III-sanlı QR Nızamı tiykarvnda ózgerisler kirgizilgen) 10-statya. Qaraqalpaqstan Respublikasınıń aymaǵında sırt ellerdiń mákemeleri hám shólkemleri ilajlar ótkergende Qaraqalpaqstan Respublikasınıń Mámleketlik gimni Qaraqalpaqstan Respublikası húkimeti tárepinen belgilenetuǵın qaǵıydalarǵa muwapıq atqarıladı. (21.10.2011-j. 99/VII-sanlı QR Nızamı tiykarında ózgerisler kirgizilgen)  11-statya. Ishki isler uyımlarında, bilimlendiriw mákemelerinde, sport jarısları waqtında, sonday-aq Qaraqalpaqstan Respublikasınıń aymaǵında sırt ellerdiń mákemeleri menen shólkemleri ilajlar ótkergende Qaraqalpaqstan Respublikasınıń Mámleketlik gimnin atqarıw qaǵıydaları usı Nızamnıń talaplarına tiykarlanıp belgilenedi. (21.10.2011-j. 99/VII-sanlı QR Nızamı tiykarında ózgerisler kirgizilgen) 12-statya. Usı Nızamnıń orınlanıwın támiyinlew tiyisli mámleketlik  uyımları hám basqa da shólkemler basshılarına júklenedi. Usı Nızamnıń orınlanıwın qadaǵalaw ishki isler uyımları tárepinen ámelge asırıladı. (21.10.2011-j. 99/VII-sanlı QR Nızamı tiykarında ózgerisler kirgizilgen) 13-statya. Ózbekstan Respublikasınıń puqaraları, sonday-aq, Qaraqalpaqstanda turǵan basqa da shaxslar Qaraqalpaqstan Respublikasınıń Mámleketlik gimnin húrmet etiliwi shárt. Qaraqalpaqstan Respublikasınıń Mámleketlik gimni haqqındaǵı nızam hújjetlerin buzǵanlıqta ayıpker shaxslar belgilengen tártipte juwapker boladı. (21.10.2011-j. 99/VII-sanlı QR Nızamı tiykarında ózgerisler kirgizilgen)