QARAQALPAQSTAN RESPUBLIKASÍNDA ISBILERMENLERGE QOLAYLÍ ShARAYaTLAR JARATÍWǴA BAYLANÍSLÍ QOSÍMShA ILAJLAR HAQQÍNDA ÓZBEKSTAN RESPUBLIKASÍ PREZIDENTINIŃ PÁRMANÍ

Qaraqalpaqstan Respublikasında isbilermenlik jumısın shólkemlestiriwdi hám joqarı qosımsha bahalı básekige shıdamlı ónimler islep shıǵarıwdı xoshametlew arqalı aymaqqa investiciyalardı keńnen tartıw ushın qolaylı sharayatlar jaratıw, sonday-aq, isbilermenlerdiń usınısların tikkeley úyreniw tiykarında aldaǵı jeti jılda rawajlandırıwdıń belgilengen baslı nátiyjelerge erisiw maqsetinde: 1. Tikleniw hám rawajlanıw qorı Qaraqalpaqstan Respublikasında islep shıǵarıwdı keńeytiw boyınsha investiciya joybarların qarjılandırıw maqsetinde «Ózmilliybank» AJ, «Ózsanaatqurılısbank» AKB hám AK «Aloqabank»ke 100 million AQSh dollar ajıratsın. Bunda, usı qarjılar sheńberinde: kommerciyalıq bankleri tárepinen investiciya joybarların qarjılandırıw ushın sırt el valyutasında 5 procent, milliy valyutada 12 procent bolǵan jıllıq stavkalarda 10 jıl múddetke shekem 5 jıllıq jeńillikli dáwir menen kredit ajıratıladı. Bunda, kommerciyalıq banktiń marjasi valyutadaǵı kreditler boyınsha 1 procent, milliy valyutadaǵı kreditler boyınsha 2 procent muǵdarında belgilenedi; joybarlar kommerciyalıq bankler shólkemlestiriwindegi investiciyalıq kompaniyaları tárepinen ámelge asırılıp, onnan soń olar «tayar joybar» sıpatında isbilermenlerge satıladı; kommerciyalıq bankler tárepinen investiciyalıq joybarların qarjılandırıw ushın kredit qarjıları 5 jıllıq jeńillikli dáwir menen 10 jıl múddetke Oraylıq banktiń tiykarǵı stavkasınan joqarı bolmaǵan muǵdarda ajıratıladı. 2. Investiciyalar, sanaat hám sawda minstrligi 2024-jıldıń aqırına shekem jańa joybarlardı qarjılandırıw jumısların shólkemlestiriw maqsetinde xalıqaralıq finans institutlarınan qosımsha 200 million AQSh dolları muǵdarında kredit qarjıları tartılsın. Bunda, usı qarjılardı qarjılandırıw hám joybarlardı ámelge asırıw usı Pármannıń 1-bántinde belgilengen shártler tiykarında ámelge asırıladı. 3. Qaraqalpaqstan Respublikasında biznes ortalıǵın jáne de jaqsılaw boyınsha usınday tártip ornatılsın, oǵan muwapıq: Aldıńǵı redakciyaǵa qarań. Isbilermenlik subektleriniń joybarlarına 2025-jıl 1-yanvarǵa shekem «Isbilermenlikti rawajlandırıw kompaniyası» akcionerlik jámiyeti tárepinen, aldıńǵısınan basqasha túrde, investiciya joybarların qarjılandırıw hám aylanıs qarjıların qáliplestiriw maqsetlerine milliy hám sırt el valyutasında ajıratılatuǵın kredit muǵdarınıń 75 procentine shekem, biraq 5 mlrd sumnan artıq bolmaǵan muǵdarda, kepillik shártnamasın bir tárepleme biykarlamaw shárti menen kepillik kórsetiledi; (3-bánttiń ekinshi abzacı Ózbekstan Respublikası Prezidentiniń 2023-jılı 10-noyabrdegi PP-193-sanlı Pármani redakciyasında- Nızamshılıq maǵlıwmatları milliy bazası, 11.11.2023-j., 06/23/193/ 0844-san) kishi hám jaslar sanaat hám isbilermenlik zonalarında investiciyalıq minnetlemelerin orınlaǵan isbilermenlerge jer uchastkaların, imaratlardı jeke menshiklestirip beriw tártibi belgilenedi; aymaqta kótere sawdalarda turǵan mámleket múlki obektleri 3 ay múddette satılmaǵan waqıtta olardı elektron tańlaw tiykarında eń jaqsı usınıs bildirgen talabanǵa investiciya kiritiw minnetlemesi menen beriw tártibi engiziledi; Aldıńǵı redakciyaǵa qarań. 2023-2024-jılları Qaraqalpaqstan Respublikasınıń Nókis qalasında 1 million AQSh dollar, qalǵan rayonlarda 300 mıń AQSh dollar muǵdarında investiciya kirgiziw minnetlemesi menen joybar intakerlerine, sonıń ishinde sırt el investiciyaları qatnasıwındaǵı kárxanalarǵa Qaraqalpaqstan Respublikası Ministrler Keńesiniń qararı tiykarında jer uchastkaların tikkeley uzaq múddetli ijara huqıqı menen beriw sisteması engiziledi; (3-bántiniń besinshi abzacı Ózbekstan Respublikası Prezidentiniń 2024-jılı 18-yanvardaǵı PP-15-sanlı Pármanı redakciyasında –Nızamshılıq maǵlıwmatları milliy bazası, 19.01.2024-j., 06/24/15/0050-san) Aldıńǵı redakciyaǵa qarań. 2023-2024-jılları Qaraqalpaqstan Respublikası Ministrler Keńesine óziniń qararı tiykarında toǵay fondı jerleri hám awıl xojalıǵına mólsherlengen jerler quramındaǵı suwǵarılmaytuǵın jer uchastkalarınıń (jaylawlar, suw jetip barmaytuǵın, ónimdarlıǵı tómen bolǵan jerlerdiń) jer fondı kategoriyasın ózgertiw boyınsha, aldıńǵısınan basqasha túrde, kepillik beriledi. (3-bántiniń altınshı abzacı Ózbekstan Respublikası Prezidentiniń 2024-jılı 18-yanvardaǵı PP-15-sanlı Pármanı redakciyasında –Nızamshılıq maǵlıwmatları milliy bazası, 19.01.2024-j., 06/24/15/0050-san) 4. Ózbekstan Respublikası Bas ministri A.N. Aripovtıń basshılıǵında Qaraqalpaqstan Respublikasın sociallıq-ekonomikalıq rawajlandırıw, sociallıq hám óndirislik infrastrukturasın jaqsılaw, isbilermenlik subektleriniń jumısında payda bolǵan mashqalalardı saplastırıw boyınsha turaqlı jumıs alıp barıwshı respublikalıq jumısshı topar (keyingi orınlarda -Respublikalıq jumısshı toparı) 1-qosımshaǵa muwapıq quramda shólkemlestirilsin. 5. Respublikalıq jumısshı toparınıń basshısı A.N. Aripov: hár ayda ornına shıqqan halda payda bolǵan mashqalalardı úyrensin hám olardı saplastırıw ilajların kórip barsın; Qaraqalpaqstan Respublikası Joqarǵı Keńesi Baslıǵı A.T. Orınbaev penen birgelikte hár sherektiń juwmaǵı menen Ózbekstan Respublikası Prezidentine ámelge asırılıp atırǵan jumıslar dıń nátiyjeliligi haqqında málimleme berip barsın. 6. Tómendegiler: 2023 — 2025-jılları Qaraqalpaqstan Respublikasında úlken investiciya joybarların ámelge asırıw hám perspektivalı joybarlarǵa sırt el investiciyalardı shaqırıw boyınsha kishi isshit oparı 2-qosımshasına muwapıq; Qaraqalpaqstan Respublikasında isbilermenlerge qolaylı sharaitlar jaratıwǵa tiyisli birgeliktegi ilajlar rejesi 3-qosımshasına muwapıq tastıyqlansın. Aldıńǵı redakciyaǵa qarań. (7-bánt) Ózbekstan Respublikası Prezidentiniń 2023-jılı 10-noyabrdegi PP-193-sanlı Pármanına tiykar óz kúshin joǵaltqan – Nızamshılıq maǵlıwmatları milliy bazası, 11.11.2023 j., 06/23/193/0844-san) 8. Oraylıq bank: a) 2024-jıldan baslap hár jılı kommerciyalıq banklerine Qaraqalpaqstan Respublikası ushın shańaraqlıq isbilermenlikti rawajlandırıw baǵdarlamaları sheńberinde keminde 2 trln sum kredit qárejetleri ajıratsın; b) tómendegi shártler tiykarında kredit qárejetleri ajıratıw sistemasın jolǵa qoysın: shańaraqlıq isbilermenlikti rawajlandırıw baǵdarlamaları sheńberinde jańadan shólkemlestirilgen, esap nomerinde qárejet jeterli dárejede aylanbaǵan isbilermenlik subektlerine, finanslıq qollap-quwatlaw ushın girew támiynatınan kelip shıǵıp, bazalıq esaplaw muǵdarınıń 1 000 esesine shekem bolǵan muǵdarda; jaslardı kásip-ónerge úyretiw hám islep shıǵarıw processindegi qánigelerdi qayta tayarlaw, bilim hám potencialın arttırıw maqsetinde olardıń sırt el mámleketlerde bilim alıwı ushın 4 jıllıq jeńillikli dáwir menen 10 jıl múddette Oraylıq banktiń tiykarǵı stavkasınan joqarı bolmaǵan muǵdarda. 9. Jaslar siyasatı hám sport ministrligi Joqarı bilimlendiriw, ilim hám innovaciyalar ministrligi, Ekonomika hám finans ministrligi hám Qaraqalpaqstan Respublikası Ministrler Keńesi menen birgelikte eki ay múddette Xojeli rayonındaǵı 100 gektar jer maydanında «Jaslar sociallıq-ekonomikalıq orayı»n (keyingi orınlarda – Jaslar orayı) shólkemlestirsin. Bunda: Jaslar orayı aymaǵında IT-park, joybar ofisleri, startaplar texnoparki, startap joybarlardı qollap-quwatlaw «innovacion toparları», mádeniy hám ruwxıylıq oraylar, kitapxana hám sport kompleksleri shólkemlestiriledi; Jaslar orayında jumıs islep atırǵan isbilermen hám jaslarǵa «Meniń birinshi úyim» joybarı sheńberinde kóp qabatlı hám jeke tártiptegi turaq-jaylar qurıladı; arnawlı ekonomikalıq zonalar qatnasıwshıları ushın nızamshılıqta belgilengen salıq hám bajıxana jeńillikleri Jaslar orayı aymaǵında jaylasqan isbilermenlik subektlerine jumıssız jaslardı jumıs penen támiyinlew shárti menen beriledi; Ekonomika hám qarjı ministrligi Jaslar orayında belgilengen obektlerdi qurıw ushın Qaraqalpaqstan Respublikası Ministrler Keńesine Ózbekstan Respublikası respublika byudjeti qárejetleri esabınan 2023 — 2027-jıllar dawamında 10 jıl múddette qaytarıw shárti menen 1 trln sum muǵdarında ssuda qárejetleri ajıratıwdı názerde tutadı. 10. Taw-kán sanaatı hám geologiya ministrligi Ekonomika hám qarjı ministrligi menen birgelikte 2024-jılı 1-yanvarǵa shekem: Qaraózek rayonı aymaǵındaǵı «Berkuttaw» mıs káninde geologiyalıq izlew jumısların juwmaqlasın; 20 perspektivalı maydanda anıqlanǵan (ohaktosh), mineral duzlar, qurılıs tası hám qumları, bentonit, porfirit rezervlerin elektron aukcion sawdalarına jaylastırsın. 11. Qaraqalpaqstan Respublikası Ministrler Keńesi bir ay múddette tiyisli ministrlik hám uyımlar menen birgelikte nızamshılıq hújjetlerine bul Pármannan kelip shıǵatuǵın ózgeris hám qosımshalar haqqında Ministrler Kabinetine usınıslar kiritsin. 12. Párman orınlanıwın hár sherekte dodalap barıw, orınlaw ushın juwapker mákemeler jumısın muwapıqlastırıw hám baqlaw Ózbekstan Respublikası Bas ministri, Respublika isshit oparı baslıǵı A.N. Aripov hám Qaraqalpaqstan Respublikası Joqarǵı Keńesi Baslıǵı A.T. Orınbaevqa júklensin.

Ózbekstan Respublikası Prezidenti Sh. MIRZIYoEV Tashkent q., 2023-jılı 8-avgust, PP29-san