Berilgen tapsırmalar belgilengen múddetlerde orınlanbaqta
1824
Shomanay rayonında jaqında qurılıs-ońlaw jumısları juwmaqlanǵan Mádeniyat sarayınıń ashılıw saltanatı bolıp ótti.
Aytıp ótiw orınlı, Qaraqalpaqstan Respublikası Joqarǵı Keńesiniń Baslıǵı Amanbay Orınbaev Shomanay rayonında bolıp, bir qatar qurılıs obektlerin kózden ótkergen waqtında Mádeniyat orayı qurılısı jumıslarınıń artta qalıp atırǵanın sınǵa alıp, qurılıstı jedellestiriw hám sapalı etip juwmaqlaw boyınsha tapsırma bergen edi.
Mádeniyat sarayınıń ashılıw saltanatına Shomanay rayonında mámleketlik baǵdarlamalardıń orınlanıwın támiyinlew, qurılıs jumısları hám berilgen tapsırmalardı qadaǵalap barıw ushın bekitilgen juwapker Qaraqalpaqstan Respublikası Oraylık saylaw komissiyası baslıǵı E.Djumanazarov, Shomanay rayonı hákimi Baxadir Yangibaev, taraw wákilleri sonday-aq, bir qatar jaslar qatnastı.
Húrmetli Prezidentimiz tárepinen 2018-jıl 28-noyabrde qabıl etilgen PQ-4038-sanlı “Ózbekstan Respublikasında milliy mádeniyattı elede rawajlandırıw koncepciyasın tastıyıqlaw haqqında” ǵı qararına muwapıq respublikamızda xalıqtıń mádeniy dem alıw sapasın jaqsılaw, mádeniyat xızmetkerlerine qolaylı sharayatlar jaratıw maqsetinde “Mádeniyat saray”larında qurılıs-ońlaw jumısların ámelge asırıw belgilengen edi. Usı qarar tiykarında rayonlıq Mádeniyat sarayında kapital ońlaw jumısları ushın qarjı ajıratılıp, “Asqar-akfa” JShJ qurılısshıları tárepinen kapital ońlaw jumısları alıp barıldı hám paydalanıwǵa tapsırıldı.
Húrmetli Prezidentimiz tárepinen 2018-jıl 28-noyabrde qabıl etilgen PQ-4038-sanlı “Ózbekstan Respublikasında milliy mádeniyattı elede rawajlandırıw koncepciyasın tastıyıqlaw haqqında” ǵı qararına muwapıq respublikamızda xalıqtıń mádeniy dem alıw sapasın jaqsılaw, mádeniyat xızmetkerlerine qolaylı sharayatlar jaratıw maqsetinde “Mádeniyat saray”larında qurılıs-ońlaw jumısların ámelge asırıw belgilengen edi. Usı qarar tiykarında rayonlıq Mádeniyat sarayında kapital ońlaw jumısları ushın qarjı ajıratılıp, “Asqar-akfa” JShJ qurılısshıları tárepinen kapital ońlaw jumısları alıp barıldı hám paydalanıwǵa tapsırıldı.
Qaraqalpaqstan Respublikası Joqarǵı Keńesiniń Málimleme xızmeti