Qaraqalpaqstanlı voleybolshı qızlar Ózbekstan superkubogi jeńimpazı hám absolyut chempionı boldı
1501
Usı jıldıń 8-10-dekabr kúnleri aralıǵında Tashkent qalasında sporttıń voleybol túri boyınsha hayal-qızlar arasında V Ózbekstan superkubogi jarısı bolıp ótti.
Jarısta 2022-jılǵı Ózbekstan chempionı Qaraqalpaqstan Respublikasınıń Ájiniyaz atındaǵı Nókis mámleketlik pedagogikalıq institutı komandası hám Ózbekstan kubogi jeńimpazı Jizzaq wálayatınıń Jizzaq mámleketlik pedagogikalıq universiteti komandaları óz ara kúsh sınastı.
Ótkerilgen oyın juwmaǵında NMPI voleybolshı qızları 3: 0 esabında jeńip shıqtı.
Oyın juwmaǵı menen Qaraqalpaqstan Respublikasınıń Ájiniyaz atındaǵı Nókis mámleketlik pedagogikalıq institutı komandası voleybol boyınsha Ózbekstan superkubogi jeńimpazı hám absolyut chempionı boldı.
Ótkerilgen jarıs juwmaǵında NMPI komandası aǵzalarınan N.Reyimbaeva «Eń kúshli oyınshı», A.Joldasbaeva «Eń jaqsı hújimshi» nominaciyaları boyınsha da jeńimpaz dep tabıldı.
Ótkerilgen jarıs juwmaǵında NMPI komandası aǵzalarınan N.Reyimbaeva «Eń kúshli oyınshı», A.Joldasbaeva «Eń jaqsı hújimshi» nominaciyaları boyınsha da jeńimpaz dep tabıldı.
Qaraqalpaqstan Respublikası Joqarǵı Keńesiniń Málimleme xızmeti