«Awıl xojalıǵı xızmetkerleri kúni» bayramı múnásibeti menen bayram tamashaları ótkerildi
2654
Prezidentimizdiń baslaması menen hár jılı dekabr ayınıń ekinshi ekshembisi elimizde Awıl xojalıǵı xızmetkerleri kúni sıpatında keń túrde belgilenip kelinbekte.
Tarawǵa qaratılıp atırǵan ayrıqsha itibar diyqanlarımız benen fermerlerimizge, awıl xalqına ayrıqsha kúsh-jiger baǵıshlap, olar jıldıń mashaqatlı keliwine qaramastan paxta, biyday hám basqa da awıl xojalıǵı eginlerinen mol zúráát jetistirip kelmekte.
Usı jıldıń 11-dekabr kúni Nókis qalasınıń arqa tárepindegi Atshabar maydanında Awıl xojalıǵı xızmetkerleri kúnine baǵıshlanıp, saltanatlı bayram tamashaları bolıp ótti.
Ilajdıń ashılıw saltanatında Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, jıynalǵanlardı Awıl xojalıǵı xızmetkerleri kúni bayramı menen qutlıqladı.
Joqarǵı Keńes Baslıǵı óz sózinde búgingi kúnde elimizde awıl xojalıǵın modernizaciyalaw, tarawda jańa texnika hám innovaciyalıq texnologiyalardı engiziw, jer-suw resurslarınan nátiyjeli paydalanıwdı en jaydırıw, xalıqtı sapalı azıq-awqat ónimleri menen támiyinlew, fermer hám klasterlerdi qollap-quwatlaw boyınsha alıp barılıp atırǵan keń kólemli jumıslarǵa toqtap ótti.
Bayram ilajına Qaraqalpaqstan Respublikası Ministrler Keńesiniń Baslıǵı Q.Sariev qatnastı.
Bunnan soń, bayram tamashaları arqan tartısıw jarısı menen baslandı. Onda Taxtakópir rayonı birinshi, Beruniy rayonı ekinshi, Nókis rayonınıń komandası úshinshi orınlardı iyelep, shólkemlestiriwshiler tárepinen bahalı sawǵalar menen sıylıqlandı.
Bayram qatnasıwshılarınıń itibarı qurǵa qaratıldı. Bas bayraq ushın ortaǵa Ámiwdárya rayonınan Elyor Masharipov hám Nókis rayonınan Zaxriddin Zaitov bellesti. Bir-birine múnásip palwanlar bellesiwinde Zaxriddin Zaitov jeńiske eristi. Qaraqalpaqstan Respublikası Joqarǵı Keńesiniń Baslıǵı Amanbay Orınbaev palwanǵa bas bayraq-Prezidentimizdiń sawǵası Lasetti «Gentra» avtomashinasın saltanatlı túrde tapsırdı. Bunnan keyin bir neshshe salmaq kategoriyalarında palwanlar bellesip, jeńimpazlar bahalı sawǵalar menen sıylıqlandı.
Qoshqarlar urısı da tamashagóylerde ayrıqsha qızıǵıwshılıq oyattı. Usı kúni Qońırat rayonınan I.Babaniyazov, Shımbay rayonınan K.Seytbekov, Xojeli rayonınan Sh.Bekmuradov, Sh.Qoldashev, Qanlıkól rayonınan B.Ermaǵambetov, Kegeyli rayonınan A.Ótepov, Ámiwdárya rayonınan Yu.Urazbaev, Taxtakópir rayonınan Sh.Turmambetov, Nókis rayonınan D.Allambergenov, Nókis qalasınan J.Smetullaevlardıń qoshqarları jeńiske eristi. Hár bir jeńip shıqqan qoshqarlardıń iyelerine bahalı sawǵalar tapsırıldı.
Bunnan soń bir, úsh, bes, jeti, on aylawǵa atlar jiberildi. Onda wálayatlardan hám respublikamızdıń barlıq rayonlarınan kelgen sheber shabandozlar shólkemlestiriwshiler tárepinen qoyılǵan bahalı sawǵalar ushın báygige tústi.
On aylawǵa at shabısı bársheniń dıqqat itibarında bolıp, báygige birinshi bolıp kelgen Nókis qalasınan Baxıt Ibraimovtıń atı bas bayraqtı qolǵa kirgizdi. Oǵan Prezidentimizdiń sawǵası Lasetti «Gentra» avtomashinası tapsırıldı. Keyingi orınlardı iyelegenler motocikl, muzlatqısh, televizor, gilem sıyaqlı qımbat bahalı sawǵalar menen sıylıqlandı. Sonday-aq, «Qız quwıw», «Teńge alıw», «Kókpar» jarıslarınıń jeńimpazları anıqlanıp, bahalı sawǵalar menen xoshametlendi. Sonıń menen birge, 2022-jıl qırmanı ushın paxtadan mol ónim alǵan Shımbay rayonı «Xudaybergen Guldana» fermer xojalıǵı baslıǵı J.Najenov hám Kegeyli rayonı «Izbaǵanbet awıl» fermer xojalıǵı baslıǵı Q.Tilewbaevqa «Nexia 3» avtomashinaları tapsırıldı.
Bayram qatnasıwshılarına diyqanlarımız tárepinen jetistirilgen awıl xojalıǵı ónimleriniń yarmarkası, sheber aspazlarımız tayarlaǵan túrli taǵamlar usınıldı. Qaraqalpaqstan kórkem óner sheberleri atqarıwındaǵı koncert baǵdarlaması bayram qatnasıwshılarına ayrıqsha zawıq baǵıshladı. Awıl xojalıǵı xızmetkerleri kúnine baǵıshlanıp ótkerilgen bayram tamashaları xalıq seyili menen dawam etti.
Bunnan soń, bayram tamashaları arqan tartısıw jarısı menen baslandı. Onda Taxtakópir rayonı birinshi, Beruniy rayonı ekinshi, Nókis rayonınıń komandası úshinshi orınlardı iyelep, shólkemlestiriwshiler tárepinen bahalı sawǵalar menen sıylıqlandı.
Bayram qatnasıwshılarınıń itibarı qurǵa qaratıldı. Bas bayraq ushın ortaǵa Ámiwdárya rayonınan Elyor Masharipov hám Nókis rayonınan Zaxriddin Zaitov bellesti. Bir-birine múnásip palwanlar bellesiwinde Zaxriddin Zaitov jeńiske eristi. Qaraqalpaqstan Respublikası Joqarǵı Keńesiniń Baslıǵı Amanbay Orınbaev palwanǵa bas bayraq-Prezidentimizdiń sawǵası Lasetti «Gentra» avtomashinasın saltanatlı túrde tapsırdı. Bunnan keyin bir neshshe salmaq kategoriyalarında palwanlar bellesip, jeńimpazlar bahalı sawǵalar menen sıylıqlandı.
Qoshqarlar urısı da tamashagóylerde ayrıqsha qızıǵıwshılıq oyattı. Usı kúni Qońırat rayonınan I.Babaniyazov, Shımbay rayonınan K.Seytbekov, Xojeli rayonınan Sh.Bekmuradov, Sh.Qoldashev, Qanlıkól rayonınan B.Ermaǵambetov, Kegeyli rayonınan A.Ótepov, Ámiwdárya rayonınan Yu.Urazbaev, Taxtakópir rayonınan Sh.Turmambetov, Nókis rayonınan D.Allambergenov, Nókis qalasınan J.Smetullaevlardıń qoshqarları jeńiske eristi. Hár bir jeńip shıqqan qoshqarlardıń iyelerine bahalı sawǵalar tapsırıldı.
Bunnan soń bir, úsh, bes, jeti, on aylawǵa atlar jiberildi. Onda wálayatlardan hám respublikamızdıń barlıq rayonlarınan kelgen sheber shabandozlar shólkemlestiriwshiler tárepinen qoyılǵan bahalı sawǵalar ushın báygige tústi.
On aylawǵa at shabısı bársheniń dıqqat itibarında bolıp, báygige birinshi bolıp kelgen Nókis qalasınan Baxıt Ibraimovtıń atı bas bayraqtı qolǵa kirgizdi. Oǵan Prezidentimizdiń sawǵası Lasetti «Gentra» avtomashinası tapsırıldı. Keyingi orınlardı iyelegenler motocikl, muzlatqısh, televizor, gilem sıyaqlı qımbat bahalı sawǵalar menen sıylıqlandı. Sonday-aq, «Qız quwıw», «Teńge alıw», «Kókpar» jarıslarınıń jeńimpazları anıqlanıp, bahalı sawǵalar menen xoshametlendi. Sonıń menen birge, 2022-jıl qırmanı ushın paxtadan mol ónim alǵan Shımbay rayonı «Xudaybergen Guldana» fermer xojalıǵı baslıǵı J.Najenov hám Kegeyli rayonı «Izbaǵanbet awıl» fermer xojalıǵı baslıǵı Q.Tilewbaevqa «Nexia 3» avtomashinaları tapsırıldı.
Bayram qatnasıwshılarına diyqanlarımız tárepinen jetistirilgen awıl xojalıǵı ónimleriniń yarmarkası, sheber aspazlarımız tayarlaǵan túrli taǵamlar usınıldı. Qaraqalpaqstan kórkem óner sheberleri atqarıwındaǵı koncert baǵdarlaması bayram qatnasıwshılarına ayrıqsha zawıq baǵıshladı. Awıl xojalıǵı xızmetkerleri kúnine baǵıshlanıp ótkerilgen bayram tamashaları xalıq seyili menen dawam etti.
Qaraqalpaqstan Respublikası Joqarǵı Keńesiniń Málimleme xızmeti