Qońıratta "Mehir háreketi" sheńberinde qayır-saqawat ilajları dawam etpekte
1420
"Mehir háreketi" sheńberinde Qońırat rayonı aymaǵındaǵı jasaw shárayatı awır, járdemge mútáj shańaraqlardıń dizimi qáliplestirildi. Usı dizim tiykarında jasaw sharayatı awır shańaraqlardıń hár biriniń úyine kirip barıw belgilengen bolıp, olarǵa járdemler kórsetilip atır hám mashqalaları úyrenilmekte. Usı tiykarda Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev rayon hákimi B.Madaminov penen birgelikte Qońırat rayonınıń alıs aymaqlarınan sanalǵan «Rawshan» APJ da bolıp, usı aymaqta jasawshı kem támiyinlengen hám járdemge mútáj shańaraqlar halınan xabar aldı.Shańaraqlardıń turmıs sharayatları menen jaqınnan tanısıp, múrájatların tıńladı. Sonıń menen birge olarǵa birinshi dárejeli paydalanılatuǵın azıq-awqatlıq ónimleri tapsırıldı. Búgin "Mehir háreketi" menen kimnińdur úyine shadlıq, mehir, zárúrli azıq-awqatlıq ónimler, xojalıq buyımları, jılıtıw sisteması hám ayırım xojalıqlardıń mashqalasına sheshim alıp kirilip atır.Qońırat rayonında «Mehir háreketi» sheńberinde qayır-saqawat ilajları dawam etpekte.
Qaraqalpaqstan Respublikası Joqarǵı Keńesiniń Málimleme xızmeti