Ózbekstan Respublikasınıń ilim hám texnika, ádebiyat, kórkem óner hám arxitektura tarawında Mámleketlik sıylıqlardı beriw haqqında
2014
Ózbekstan Respublikası Prezidentiniń pármanı
Ózbekstan Respublikasınıń ilim hám texnika, ádebiyat, kórkem óner hám arxitektura tarawındaǵı Mámleketlik sıylıqlardı shólkemlestiriw haqqındaǵı Ózbekstan Respublikası Prezidentiniń 2006-jıl 25-iyulde qabıl etilgen PP-3781-sanlı Pármanı hám Ózbekstan Respublikasınıń ilim hám texnika, ádebiyat, kórkem óner hám arxitektura tarawındaǵı Mámleketlik sıylıqları keńesiniń 2022-jılǵı Mámleketlik sıylıqlar boyınsha usınısına tiykarlanıp elimizdiń ilimi, ádebiyatı hám kórkem ónerin rawajlandırıwǵa qosqan salmaqlı úlesi, jámiyetimizdiń sociallıq-ekonomikalıq, ilimiy-texnikalıq hám ruwxıy-aǵartıwshılıq turmısında ayrıqsha itibarǵa ılayıq bolǵan, xalıqaralıq kólemde tán alınǵan fundamental izertlewleri, zaman talaplarına juwap beretuǵın joqarı, mazmunı jaǵınan áhmiyetli dóretiwshilik jumısları ushın: Birinshi dárejeli Mámleketlik sıylıqlar berilsin: ilim hám texnika tarawında: Sanakulov Quwandıq, Snitka Nikolay Pavlovich, Usmanov Rustamjon, Ergashev Ulıgbek Abdrasulovich, Mustakimov Atabek Mannabievichke – «Texnologiyalıq hám isleniwi qıyın bolǵan altın quramlı rudalardı qayta islew hám ózlestiriwdiń kompleksli texnologiyaların islep shıǵıw hám engiziw» boyınsha ilimiy-ámeliy qollanbası ushın; ádebiyat tarawında: Karimov Naim Fatixovichke – «Abdulla Qodiriy zamandoshlari» shıǵarması ushın; kórkem óner hám arxitektura tarawında: Alikulov Alisher Maxmudovichke – Samarqand wálayatındaǵı Imam Buxariy ilimiy-izertlew orayı hám Tashkent qalasındaǵı «Jeńis parki» estelik kompleksinde jaylasqan «Shon-Sharaf» muzeyinde islengen sawlatlı reńli súwretlew shıǵarmaları ushın. Ekinshi dárejeli Mámleketlik sıylıq berilsin: ilim hám texnika tarawında: Kvint Vladimir Lvovichke – «Ámir Temurdıń strategiyalıq jetekshiligi: «Tuzukler»ge túsinikler» ilimiy monografiyası ushın; kórkem óner hám arxitektura tarawında (kórkem óner hám arxitektura tarawında názerde tutılǵan 1 ekinshi dárejeli Mámleketlik sıylıq ornına 2022-jılı burınǵısınan basqasha tárizde 2 ekinshi dárejeli Mámleketlik sıylıq beriliwi belgilensin): Mirtadjiev Djalalitdin Tursunovichke (marhum) –ǵárezsizlik jıllarında Ózbekstanda hám bir qatar sırt ellerde islengen músinshilik dóretpeleri ushın; Muhammaddinov Najimaddinge – «Gúlle-jayna, Ózbekstanım!» simfoniyalıq poeması, «Ayjamal» baleti hám «Gúlayım» operasına jazılǵan muzıkalıq kompoziciyaları ushın.Ózbekstan Respublikası Prezidenti Sh.Mirziyoev