Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis qalası belsendileri menen ushırastı
2186
Qaraqalpaqstan Respublikası Joqarǵı Keńesiniń Baslıǵı Amanbay Orınbaev Nókis qalasınıń belsendileri, sonday-aq, barlıq ministrlik, basqarma, shólkem hám qalalıq mákeme basshıları qatnasıwında Nókis qalasın sociallıq-ekonomikalıq jaqtan rawajlandırıw, xalıqtıń jasaw sharayatın jaqsılaw baǵdarında alıp barılıp atırǵan jumıslar boyınsha májilis ótkerdi.
Ótkerilgen májiliste qala xalqınıń kúndelikli turmısında ushırasıp atırǵan mashqalalarǵa sheshim tabıw, olardıń abadan turmısın támiyinlew jolında ámelge asırılıp atırǵan jumıslar hám bul baǵdardaǵı ayırım taraw basshıları tárepinen jol qoyılıp atırǵan qáte-kemshilikler haqqında sóz etildi.
Aytıp ótiw orınlı, Nókis qalası xalqının mashqalaların sheshiw, qala infrastrukturasın jaqsılaw baǵdarında «Abat máhálle» baǵdarlaması, sonday-aq, «Awır aymaq»lar dizimine kirgizilgen máhállelerde oǵada keń kólemli qurılıs-ońlaw hám abadanlastırıw jumısları alıp barıldı. Sharayatı awır máhálleler «Shımbay gúzarı», «Jańabazar» sıyaqlı úlgili máhállelerge aylandırıldı.
Usınday dóretiwshilik jumısları menen bir qatarda ayırım tarawlarda qáte-kemshiliklerge de jol qoyılıp atır.
Sonnan, byudjet qarjılarınıń maqsetsiz jumsalıwı, finanslıq qáte-kemshiliklerge jol qoyılıwı, qosıp jazıwlar jolı menen byudjet qarjıların talan-taraj etiw jaǵdaylarınıń ushırasıp atırǵanlıǵı sınǵa alındı.
Atap aytqanda, Nókis mámleketlik pedagogikalıq institutınıń oqıw imaratın qurıw jumıslarında, Qarataw posyolkasında kóp qabatlı turaq-jaylardıń qurılıs jumıslarında, 23-kishi rayondaǵı ayırım kóp qabatlı turaq jaylardıń tóbesin bastırıw jumıslarında esabatlarǵa qosıp jazıwlarǵa jol qoyılǵan.
Bunnan tısqarı Nókis Oraylıq diyqan bazarındaǵı ayırım unamsız qarjılıq oyınlar, bir neshe hákim járdemshileri óz jumıslarına nemquraydılıq penen qaraǵanlıǵı sebepli, ajıratılǵan kredit qarjıları maqsetsiz sarıplap jiberilgenligi, banklerdegi finanslıq oyınlar, kredit qarjıların óz mápine jumsap jiberiw jaǵdayları, sektorlar jumıslarınıń qanaatlandırarsız ekenligi sınǵa alındı.
“Investiciya”, “Abat awıl” baǵdarlamaları hám “Prezident saparı” dawamında berilgen tapsırmalar tiykarında isleniwi kerek qurılıs-ońlaw jumısları da tolıq aqırına jetkerilmegen.
Sonıń menen birge, Joqarǵı Keńes Baslıǵı Nókis qalasındaǵı bir qatar qurılıs obektlerinde belgilengen rejeden artta qalıp, aqıbette sociallıq obektler, mektep baqsha imaratları, xızmet kórsetiw orınları hám basqa da iske túsiwi kerek bolǵan joybarlar iskerligin baslamay qalǵanlıǵın sınǵa aldı hám juwapkerlerge tolıq qadaǵalawǵa alıw, zárúr bolsa nızamlı sharalar kóriw boyınsha anıq tapsırmalar berdi.
Usılar qatarında sociallıq tarawlardaǵı kemshilikler atap ótildi. Sonnan, mekteplerde byudjet qarjıların artıqsha jumsaw jaǵdayları, biypul azıq-awqatlıq ónimler jetkerip beriliwindegi jol qoyılǵan qáte-kemshilikler de sınǵa alındı.
Ótkerilgen májiliste mektepke shekemgi bilimlendiriw mákemelerindegi ayırım unamsız jaǵdaylar da tilge alındı. 49-sanlı, 29-sanlı, 13-sanlı balalar baqshalarındaǵı sanitar-gigienalıq talaplar ornında emesligi, azıq-awqatlıq ónimler kemisligi hám basqa bir qatar kemshilikler isshi topar tárepinen úyrenilgende anıqlanǵan. Óz náwbetinde Joqarǵı Keńes Baslıǵı balalar nesiybesi menen baylanıslı bul qıńırlıqlar tarawdaǵı keshirip bolmas oǵada ashınarlı jaǵday ekenligin ayrıqsha tilge aldı.
Ótkerilgen májilis dawamında medicina tarawına itibar qaratılıp, Nókis qalalıq medicina birlespesi, shańaraqlıq poliklinikalar, Perinatal orayındaǵı ayırım qıńırlıqlar sebepli puqaralarımızdıń narazılıǵı artıp baratırǵanlıǵı, xayal-qızlar máseleleri menen shuǵıllanıwdıń da talap dárejesinde emesligi sınǵa alındı.
Joqarıda atap ótilgen qáteliklerge jol qoyıp, óziniń xızmet wazıypasına hám bildirilgen isenimge nemquraydılıq penen qaraǵan Nókis qalası hákiminiń finans-ekonomika hám kambaǵallıqtı qısqartıw máseleleri boyınsha birinshi orınbasarı, jaslar siyasatı, sociallıq rawajlandırıw hám ruwxıy-aǵartıwshılıq máseleleri boyınsha orınbasarı intizamıy jazaǵa tartıldı.
Jaqında ózine júkletilgen wazıypalardı orınlawda jol qoyǵan keshirip bolmas qáteleri ushın Nókis qalası hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı menen Nókis qalası mektepke shekemgi bilimlendiriw bólimi baslıǵı iyelep turǵan lawazımınan bosatılǵan edi. Bul jaǵday májiliste ayrıqsha atap ótildi.
«Elimizde «Insan qádiri» principi tiykarında alıp barılıp atırǵan reformalar sheńberinde bilimlendiriw salasına oǵada úlken itibar qaratılmaqta. Barlıq itibar perzentlerimizdiń tárbiyasına, bilim alıwına qaratılıp atırǵan búgingi kúnde mektep hám baqshalardıń qurılısındaǵı kemshiliklerge kóz jumıp bolmaydı» - dep atap ótti Joqarǵı Keńes Baslıǵı Amanbay Orınbaev.
Sonlıqtan qurılıs jumısların, ásirese mektep hám baqshalardı múddetinde juwmaqlamaǵan qurılısshılardıń háreketlerine huqıqıy baha beriw, olardıń jumısların qayta kórip shıǵıw boyınsha tiyisli taraw basshılarına anıq tapsırmalar berildi.
Sonıń menen birge “Jasıl mákan” akciyası sheńberinde ekologiyamızdı jaqsılawdaǵı iygilikli jumıslarda ayaq qospaǵan, ózleri basshılıq etip atırǵan mekeme átirapın taza saqlamay taslap qoyǵan mákeme basshılarına da intizamıy jaza sharasın qollaw máselesin kórip shıǵıw boyınsha tapsırma berildi.
Máhállelerde xalqımızdıń pikir usınısların úyreniw, olarǵa óz iskerligin baslawǵa járdem beriw ushın tayınlanıp isenim bildirilgen 37 hákim járdemshisi hám Máhállebay islew hám isbilermenlikti rawajlandırıw agentligi basqarma baslıǵınıń lawazımına ılayıqlıǵı kórip shıǵılatuǵın boldı.
Májiliste Joqarǵı Keńes Baslıǵı tárepinen Ózbekstan Respublikası Prezidentiniń 408-sanlı qararı menen tek ǵana Nókis qalası boyınsha 64 máhállede 46 joybarda jámi 56,6 mlrd.swmlıq jańa qurılıs, rekonstrukciyalaw hám ońlaw jumısları alıp barılıwı belgilengenligi atap ótildi.
Májilis juwmaǵında Joqarǵı Keńes Baslıǵı bıyılǵı jıl juwmaǵına shekem Nókis qalasın sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 27 mlrd 765,7 mln swm muǵdarında qosımsha qarjı ajıratılatuǵınlıǵın bildirdi.
Ótkerilgen májiliste qala xalqınıń kúndelikli turmısında ushırasıp atırǵan mashqalalarǵa sheshim tabıw, olardıń abadan turmısın támiyinlew jolında ámelge asırılıp atırǵan jumıslar hám bul baǵdardaǵı ayırım taraw basshıları tárepinen jol qoyılıp atırǵan qáte-kemshilikler haqqında sóz etildi.
Aytıp ótiw orınlı, Nókis qalası xalqının mashqalaların sheshiw, qala infrastrukturasın jaqsılaw baǵdarında «Abat máhálle» baǵdarlaması, sonday-aq, «Awır aymaq»lar dizimine kirgizilgen máhállelerde oǵada keń kólemli qurılıs-ońlaw hám abadanlastırıw jumısları alıp barıldı. Sharayatı awır máhálleler «Shımbay gúzarı», «Jańabazar» sıyaqlı úlgili máhállelerge aylandırıldı.
Usınday dóretiwshilik jumısları menen bir qatarda ayırım tarawlarda qáte-kemshiliklerge de jol qoyılıp atır.
Sonnan, byudjet qarjılarınıń maqsetsiz jumsalıwı, finanslıq qáte-kemshiliklerge jol qoyılıwı, qosıp jazıwlar jolı menen byudjet qarjıların talan-taraj etiw jaǵdaylarınıń ushırasıp atırǵanlıǵı sınǵa alındı.
Atap aytqanda, Nókis mámleketlik pedagogikalıq institutınıń oqıw imaratın qurıw jumıslarında, Qarataw posyolkasında kóp qabatlı turaq-jaylardıń qurılıs jumıslarında, 23-kishi rayondaǵı ayırım kóp qabatlı turaq jaylardıń tóbesin bastırıw jumıslarında esabatlarǵa qosıp jazıwlarǵa jol qoyılǵan.
Bunnan tısqarı Nókis Oraylıq diyqan bazarındaǵı ayırım unamsız qarjılıq oyınlar, bir neshe hákim járdemshileri óz jumıslarına nemquraydılıq penen qaraǵanlıǵı sebepli, ajıratılǵan kredit qarjıları maqsetsiz sarıplap jiberilgenligi, banklerdegi finanslıq oyınlar, kredit qarjıların óz mápine jumsap jiberiw jaǵdayları, sektorlar jumıslarınıń qanaatlandırarsız ekenligi sınǵa alındı.
“Investiciya”, “Abat awıl” baǵdarlamaları hám “Prezident saparı” dawamında berilgen tapsırmalar tiykarında isleniwi kerek qurılıs-ońlaw jumısları da tolıq aqırına jetkerilmegen.
Sonıń menen birge, Joqarǵı Keńes Baslıǵı Nókis qalasındaǵı bir qatar qurılıs obektlerinde belgilengen rejeden artta qalıp, aqıbette sociallıq obektler, mektep baqsha imaratları, xızmet kórsetiw orınları hám basqa da iske túsiwi kerek bolǵan joybarlar iskerligin baslamay qalǵanlıǵın sınǵa aldı hám juwapkerlerge tolıq qadaǵalawǵa alıw, zárúr bolsa nızamlı sharalar kóriw boyınsha anıq tapsırmalar berdi.
Usılar qatarında sociallıq tarawlardaǵı kemshilikler atap ótildi. Sonnan, mekteplerde byudjet qarjıların artıqsha jumsaw jaǵdayları, biypul azıq-awqatlıq ónimler jetkerip beriliwindegi jol qoyılǵan qáte-kemshilikler de sınǵa alındı.
Ótkerilgen májiliste mektepke shekemgi bilimlendiriw mákemelerindegi ayırım unamsız jaǵdaylar da tilge alındı. 49-sanlı, 29-sanlı, 13-sanlı balalar baqshalarındaǵı sanitar-gigienalıq talaplar ornında emesligi, azıq-awqatlıq ónimler kemisligi hám basqa bir qatar kemshilikler isshi topar tárepinen úyrenilgende anıqlanǵan. Óz náwbetinde Joqarǵı Keńes Baslıǵı balalar nesiybesi menen baylanıslı bul qıńırlıqlar tarawdaǵı keshirip bolmas oǵada ashınarlı jaǵday ekenligin ayrıqsha tilge aldı.
Ótkerilgen májilis dawamında medicina tarawına itibar qaratılıp, Nókis qalalıq medicina birlespesi, shańaraqlıq poliklinikalar, Perinatal orayındaǵı ayırım qıńırlıqlar sebepli puqaralarımızdıń narazılıǵı artıp baratırǵanlıǵı, xayal-qızlar máseleleri menen shuǵıllanıwdıń da talap dárejesinde emesligi sınǵa alındı.
Joqarıda atap ótilgen qáteliklerge jol qoyıp, óziniń xızmet wazıypasına hám bildirilgen isenimge nemquraydılıq penen qaraǵan Nókis qalası hákiminiń finans-ekonomika hám kambaǵallıqtı qısqartıw máseleleri boyınsha birinshi orınbasarı, jaslar siyasatı, sociallıq rawajlandırıw hám ruwxıy-aǵartıwshılıq máseleleri boyınsha orınbasarı intizamıy jazaǵa tartıldı.
Jaqında ózine júkletilgen wazıypalardı orınlawda jol qoyǵan keshirip bolmas qáteleri ushın Nókis qalası hákiminiń qurılıs, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı menen Nókis qalası mektepke shekemgi bilimlendiriw bólimi baslıǵı iyelep turǵan lawazımınan bosatılǵan edi. Bul jaǵday májiliste ayrıqsha atap ótildi.
«Elimizde «Insan qádiri» principi tiykarında alıp barılıp atırǵan reformalar sheńberinde bilimlendiriw salasına oǵada úlken itibar qaratılmaqta. Barlıq itibar perzentlerimizdiń tárbiyasına, bilim alıwına qaratılıp atırǵan búgingi kúnde mektep hám baqshalardıń qurılısındaǵı kemshiliklerge kóz jumıp bolmaydı» - dep atap ótti Joqarǵı Keńes Baslıǵı Amanbay Orınbaev.
Sonlıqtan qurılıs jumısların, ásirese mektep hám baqshalardı múddetinde juwmaqlamaǵan qurılısshılardıń háreketlerine huqıqıy baha beriw, olardıń jumısların qayta kórip shıǵıw boyınsha tiyisli taraw basshılarına anıq tapsırmalar berildi.
Sonıń menen birge “Jasıl mákan” akciyası sheńberinde ekologiyamızdı jaqsılawdaǵı iygilikli jumıslarda ayaq qospaǵan, ózleri basshılıq etip atırǵan mekeme átirapın taza saqlamay taslap qoyǵan mákeme basshılarına da intizamıy jaza sharasın qollaw máselesin kórip shıǵıw boyınsha tapsırma berildi.
Máhállelerde xalqımızdıń pikir usınısların úyreniw, olarǵa óz iskerligin baslawǵa járdem beriw ushın tayınlanıp isenim bildirilgen 37 hákim járdemshisi hám Máhállebay islew hám isbilermenlikti rawajlandırıw agentligi basqarma baslıǵınıń lawazımına ılayıqlıǵı kórip shıǵılatuǵın boldı.
Májiliste Joqarǵı Keńes Baslıǵı tárepinen Ózbekstan Respublikası Prezidentiniń 408-sanlı qararı menen tek ǵana Nókis qalası boyınsha 64 máhállede 46 joybarda jámi 56,6 mlrd.swmlıq jańa qurılıs, rekonstrukciyalaw hám ońlaw jumısları alıp barılıwı belgilengenligi atap ótildi.
Májilis juwmaǵında Joqarǵı Keńes Baslıǵı bıyılǵı jıl juwmaǵına shekem Nókis qalasın sociallıq-ekonomikalıq rawajlandırıw hám xalıqtıń abadan turmıs keshiriwin támiyinlewge jámi 27 mlrd 765,7 mln swm muǵdarında qosımsha qarjı ajıratılatuǵınlıǵın bildirdi.
Qaraqalpaqstan Respublikası Joqarǵı Keńesiniń Málimleme xızmeti