Joqarǵı Keńes Baslıǵı ónermentler kórgizbesi menen tanıstı
1200
Búgin Qaraqalpaqstan Respublikası Joqarǵı Keńesiniń Baslıǵı Amanbay Orınbaev Ózbekstan kórkem óner akademiyası Qaraqalpaqstan bóliminiń Kórgizbeler sarayında bolıp, qoy júnin qayta islew hám onnan tayar ónim islep shıǵarıw boyınsha jolǵa qoyılǵan jumıslar menen tanıstı.
Onda Qaraqalpaqstan Respublikası Ministrler Keńesiniń Baslıǵı Q.Sariev, Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev qatnastı.
Atap ótiw orınlı, búgingi kúnde AQSh xalıqaralıq rawajlanıw agentligi (USAID) Qaraqalpaqstan Respublikasınıń Nókis, Shomanay, Moynaq hám Bozataw rayonlarında júndi qayta islewdiń zamanagóy texnologiyaları boyınsha hayallar ushın biznesti rawajlandırıw haqqında oqıw baǵdarlaması iske túsirililgen bolıp, bunda Qırǵızstan Respublikasınan kelgen ónermentler menen tájiriybe almasıw jolǵa qoyılmaqta.
Oqıw baǵdarlamasınıń da tiykarǵı maqseti jergilikli ónerment hayallarǵa qoy júnin qayta islewdiń texnologiyaların kórsetiw arqalı, olarǵa milliy ónermentshilik jónelisin rawajlandırıw hám kommerciyalıq baǵdarda paydalanıwdı úyretiw bolıp tabıladı.
Búgingi kúnde bul baǵdarda Qırǵızstannan kelgen belgili kiyiz ónimlerin islep shıǵarıwshı «Tumar» kompaniyalar toparınıń texnikalıq qánigeleri tárepinen treningler ótkerilip kelinbekte.
Óz náwbetinde, Joqarǵı Keńes Baslıǵı milliy mádeniyatımızdıń ájayıp úlgilerinen biri bolǵan kiyiz ónimlerin islep shıǵarıwdı qollap-quwatlaw zárúrligi, bul baǵdarda qırǵızstanlı ónermentler menen óz-ara tájiriybe almasıwdı keńeytiw, eki xalıq arasındaǵı milliy-mádeniy jaqınlıqtan kelip shıǵıp, birge islesiwdi jolǵa qoyıw, milliy qara úy qurıw boyınsha da tájiriybe almasıw zárúr ekenligin atap ótti. Sonday-aq, bul baǵdardaǵı baslamalar qollap-quwatlanatuǵınlıǵın bildirdi.
Onda Qaraqalpaqstan Respublikası Ministrler Keńesiniń Baslıǵı Q.Sariev, Qaraqalpaqstan Respublikası Joqarǵı Keńesi Baslıǵınıń orınbasarı R.Saparbaev qatnastı.
Atap ótiw orınlı, búgingi kúnde AQSh xalıqaralıq rawajlanıw agentligi (USAID) Qaraqalpaqstan Respublikasınıń Nókis, Shomanay, Moynaq hám Bozataw rayonlarında júndi qayta islewdiń zamanagóy texnologiyaları boyınsha hayallar ushın biznesti rawajlandırıw haqqında oqıw baǵdarlaması iske túsirililgen bolıp, bunda Qırǵızstan Respublikasınan kelgen ónermentler menen tájiriybe almasıw jolǵa qoyılmaqta.
Oqıw baǵdarlamasınıń da tiykarǵı maqseti jergilikli ónerment hayallarǵa qoy júnin qayta islewdiń texnologiyaların kórsetiw arqalı, olarǵa milliy ónermentshilik jónelisin rawajlandırıw hám kommerciyalıq baǵdarda paydalanıwdı úyretiw bolıp tabıladı.
Búgingi kúnde bul baǵdarda Qırǵızstannan kelgen belgili kiyiz ónimlerin islep shıǵarıwshı «Tumar» kompaniyalar toparınıń texnikalıq qánigeleri tárepinen treningler ótkerilip kelinbekte.
Óz náwbetinde, Joqarǵı Keńes Baslıǵı milliy mádeniyatımızdıń ájayıp úlgilerinen biri bolǵan kiyiz ónimlerin islep shıǵarıwdı qollap-quwatlaw zárúrligi, bul baǵdarda qırǵızstanlı ónermentler menen óz-ara tájiriybe almasıwdı keńeytiw, eki xalıq arasındaǵı milliy-mádeniy jaqınlıqtan kelip shıǵıp, birge islesiwdi jolǵa qoyıw, milliy qara úy qurıw boyınsha da tájiriybe almasıw zárúr ekenligin atap ótti. Sonday-aq, bul baǵdardaǵı baslamalar qollap-quwatlanatuǵınlıǵın bildirdi.
Qaraqalpaqstan Respublikası Joqarǵı Keńesiniń Málimleme xızmeti