Xalıqtıń mashqalalarına sheshim tawıp, olardın búgingi turmısınan razılıǵın támiyinlew jolındaǵı jumıslar dawam etedi
1381
Húrmetli Prezidentimiz tárepinen xalıq iygiligi jolında belgilep berilgen barlıq reformalar «Insan qádiri ushın» principi tiykarında respublikamızda dawam ettirilmekte. Usı tiykarda Qaraqalpaqstan Respublikası Joqarǵı Keńesi Baslıǵınıń jeke qadaǵalawı menen Qońırat rayonındaǵı ishki xojalıq jolların ońlaw boyınsha jumıslar búgin erte tańnan baslap jiberildi. Maqset xalıqtı jıllar dawamında qıynap kiyatırǵan mashqalalarǵa sheshim tabıw.
Qatarlasıp sap tartıp, awır júk mashinaları qum-щeben aralaspası (ЩPS) materialın júklep, rayondaǵı Almazar mákan puqaralar jıyının abadanlastırıw ushın atlandı. Aymaqta jámi 34 kóshede 24,9 km ishki xojalıq topıraq jolları bar bolıp, jazda qum-shańǵıtı, jawın-shashınlı kúnlerde ılayı menen xalıqtı qıynap kelgen.
Qaraqalpaqstan Respublikası Joqarǵı Keńesiniń Baslıǵı Amanbay Orınbaev aymaq turǵınları, nuranıylar hám taraw basshıları menen bolıp ótken ushırasıwda Qońırat rayonında baslanǵan úlken háreket sheńberinde máhálleler hám awıllardıń ishki xojalıq jolların ońlaw ushın Qaraózek rayonı aymaǵınan arnawlı qum-tas aralaspası kareri ajıratıp berilgenligin hám bul boyınsha jumıslar imkaniyat dárejesinde keń qamtıwlı dawam ettirilip, rayonda birde-bir ońlanbaǵan topıraq jol qalmaytuǵınlıǵın atap ótti.
Aytıp ótiw orınlı, aymaqta baslanǵan abadanlastırıw jumıslarınan soń, 18,8 km jollar qum-щeben aralaspalı, 4 km.ge shamalas jol asfaltobeton, 2,2 km jol cementobeton qaplamalı jollarǵa aylandırıladı.
Sonıń menen birge, 12,8 km gaz tarmaqları, 3,8 km ishimlik suw tarmaqları, 9 transformator punkti qayta ońlanadı, 462 elektr baǵanaları jańasına almastırıladı, 250 dana túngi jaqtılandırıwshı shıraqlar ornatılıp, 4 km optikalıq internet hám baylanıs tarmaqları jańadan tartıladı.
Bunnan tısqarı, sharayatı awır 9 xojalıq iyelerin qıs máwsiminen aman alıp shıǵıw ushın materiallıq qollap-quwatlaw, 26 turaq jaydıń shiferin bastırıp, ıssılıq sistemasın jaqsılaw, mayıplıǵı bolǵan 110 puqara hám medicinalıq járdemge mútáj 921 puqaranı medicinalıq tekseriwden ótkeriw, sociallıq dápterlerge kirgizilgen 10 xojalıq hám 13 puqaraǵa materiallıq járdem kórsetiw rejelestirilgen.
Sonday-aq, 51-sanlı mektepke sport zal, 32-sanlı mektep, 31-sanlı mektepke shekemgi bilimlendiriw mákemesine qosımsha imarat qurıw, aymaqta shańaraqlıq poliklinika shólkemlestirip, imaratın qurıp beriw mashqalalarınıń da basqıshpa-basqısh sheshimin tabıw belgilengen.
Álbette, bul baslamanıń tiykarǵı ideyası hám maqseti xalıqtıń mashqalalarına sheshim tawıp, olardıń búgingi turmısınan kewilli jasawın támiyinlew esaplanadı hám bul iygilikli jumıslar shólkemleskenlik penen dawam ettiriledi.
Aytıp ótiw orınlı, aymaqta baslanǵan abadanlastırıw jumıslarınan soń, 18,8 km jollar qum-щeben aralaspalı, 4 km.ge shamalas jol asfaltobeton, 2,2 km jol cementobeton qaplamalı jollarǵa aylandırıladı.
Sonıń menen birge, 12,8 km gaz tarmaqları, 3,8 km ishimlik suw tarmaqları, 9 transformator punkti qayta ońlanadı, 462 elektr baǵanaları jańasına almastırıladı, 250 dana túngi jaqtılandırıwshı shıraqlar ornatılıp, 4 km optikalıq internet hám baylanıs tarmaqları jańadan tartıladı.
Bunnan tısqarı, sharayatı awır 9 xojalıq iyelerin qıs máwsiminen aman alıp shıǵıw ushın materiallıq qollap-quwatlaw, 26 turaq jaydıń shiferin bastırıp, ıssılıq sistemasın jaqsılaw, mayıplıǵı bolǵan 110 puqara hám medicinalıq járdemge mútáj 921 puqaranı medicinalıq tekseriwden ótkeriw, sociallıq dápterlerge kirgizilgen 10 xojalıq hám 13 puqaraǵa materiallıq járdem kórsetiw rejelestirilgen.
Sonday-aq, 51-sanlı mektepke sport zal, 32-sanlı mektep, 31-sanlı mektepke shekemgi bilimlendiriw mákemesine qosımsha imarat qurıw, aymaqta shańaraqlıq poliklinika shólkemlestirip, imaratın qurıp beriw mashqalalarınıń da basqıshpa-basqısh sheshimin tabıw belgilengen.
Álbette, bul baslamanıń tiykarǵı ideyası hám maqseti xalıqtıń mashqalalarına sheshim tawıp, olardıń búgingi turmısınan kewilli jasawın támiyinlew esaplanadı hám bul iygilikli jumıslar shólkemleskenlik penen dawam ettiriledi.
Qaraqalpaqstan Respublikası Joqarǵı Keńesiniń Málimleme xızmeti